तयारीला लागा ! पोलीस भरतीच्या मैदानी चाचणीची तारीख ठरली...

एज्युवार्ता न्यूज नेटवर्क

राज्यात पोलीस भरती (Police recruitment) जाहीर झाली आहे. पोलीस भरती प्रक्रियेला प्रत्यक्षात येत्या  १६ फेब्रुवारीपासून सुरुवात होणार आहे. पुणे शहर पोलीस दलात एकूण ६३३ पदांसाठी भरती प्रक्रिया (Recruitment process for 633 posts) राबवली जाणार आहे. या भरतीसाठी तब्बल ३९ हजार उमेदवारांनी अर्ज (Applications have been submitted by 39,000 candidates) केले आहेत. येत्या १६ फेब्रुवारीपासून मैदानी चाचणीला सुरूवात (The field test has begun) होणार आहे. 

पोलीस भरतीच्या पारदर्शक आणि निष्पक्ष पद्धतीने तयारीसाठी आता पोलीस प्रशासन सज्ज झाले आहे. यासाठी पोलीस  मुख्यालय आणि राज्य राखीव पोलीस दलाच्या गट क्रमांक दोन मैदानावर चाचणी होणार आहे. शारीरिक चाचणी आणि लेखी परीक्षेद्वारे उमेदवारांची निवड केली जाणार आहे.

या भरतीमध्ये विविध पदांचा समावेश आहे. पोलीस अंमलदार, वाहनचालक, पोलीस बँडसमन अशा विविध पदांसाठी एकूण १ हजार ६३३ जागांसाठी ही भरती प्रक्रिया पार पडणार आहे. पोलीस भरतीची मैदानी आणि शारीरिक चाचणी १६ फेब्रुवारीपासून सुरु होणार आहे. यानंतर उमेदवारांची लेखी परीक्षा घेतली जाणार आहे.

मैदानी चाचणीमध्ये उमेदवारांची उंची आणि छाती मोजली जाणार जाईल. त्यानंतर १०० मीटर धावणे, १६०० मीटर धावणे (महिलांसाठी ८०० मीटर),गोळाफेक याद्वारे उमेदवारांची निवड करणार आहे. या चाचणीसाठी १०० गुण असणार आहे. त्यापैकी ५० गुण मिळवणारे उमेदवार लेखी परीक्षेसाठी पात्र ठरणार आहेत.  

भरती प्रक्रियेत कोणताही गैरप्रकार होऊ नये. यासाठी 'आरएफआयडी' तंत्रज्ञान आणि सीसीटीव्हीच्या माध्यमातून लक्ष ठेवले जाणारआहे. यामुळे उमेदवारांची उपस्थिती धावण्याची वेळ याबाबत माहिती मिळणार आहे.