ICSI CS प्रोफेशनलचे निकाल जाहीर; राशी पारख देशात पहिली

एज्युवार्ता न्यूज नेटवर्क

'द इन्स्टिट्यूट ऑफ कंपनी सेक्रेटरी ऑफ इंडिया' (ICSI) ने ICSI CS प्रोफेशनल जून सत्राचे निकाल जाहीर केले आहेत. उमेदवार ICSI च्या अधिकृत वेबसाइट icsi.edu द्वारे त्यांचा निकाल पाहू शकतात. राशी अमृत पारख ही विद्यार्थिनी देशात पहिली आली आहे.

उमेदवारांना त्यांचे गुण विवरण डाउनलोड करण्यासाठी नोंदणी क्रमांक आणि रोल नंबर आवश्यक असेल. सीएस व्यावसायिक विद्यार्थ्यांना ३० दिवसांच्या आत गुणपत्रिका मिळतील, असे ICSI कडून कळविण्यात आले आहे. राशी पारख पाठोपाठ जेनी दिपेन पंचमतिया या विद्यार्थिनीने दुसरा क्रमांक पटकावला आहे.

‘आयुष’ची प्रवेशप्रक्रिया ऑक्टोबर अखेरपर्यंत चालणार; तीन फेऱ्यांचे वेळापत्रक जाहीर

मन्या श्रीवास्तव ही विद्यार्थिनी देशात तिसऱ्या क्रमांक उत्तीर्ण झाली आहे. सीएस एक्झिक्युटिव्ह २०२३ चा निकालही जाहीर करण्यात आला आहे.  त्यामध्ये भूमिका सिंग हिने पहिला तर सलोनी खांत आणि रोशन पंजवानी यांनी अनुक्रमे दुसरा व तिसरा क्रमांक पटकावला.

ICSI CS एक्झिक्युटिव्ह आणि प्रोफेशनल जून २०२३ च्या परीक्षा १ ते १० जून २०२३ या कालावधीत आयोजित केल्या आहेत. निकाल जाहीर झाल्यानंतर आता ३० दिवसांच्या आत विद्यार्थ्यांना त्यांचे गुणपत्रक पोस्टाने पाठवले जाणार आहे. एखाद्या विद्यार्थ्याला त्याचे गुणपत्रक ३० दिवसात मिळाले नाही, तर तो उमेदवार परीक्षा@icsi.edu येथे संस्थेशी संपर्क साधू शकतात.

UPSC Results : IES आणि ISS परीक्षेचे निकाल जाहीर; असा पाहा निकाल

असा पहा निकाल

* icsi.edu येथे ICSI च्या अधिकृत साइटला भेट द्या.

* मुख्यपृष्ठावर उपलब्ध असलेल्या ICSI CS निकाल २०२३ लिंकवर क्लिक करा.

* लॉगिन तपशील प्रविष्ट करा आणि सबमिट वर क्लिक करा.

* तुमचा निकाल स्क्रीनवर प्रदर्शित होईल.

* पृष्ठ डाउनलोड करा आणि प्रिंट आऊट घ्या.