बँकेत नोकरीची सुवर्णसंधी! IBPS कडून 11,403 क्लर्क पदांसाठी मेगाभरती जाहीर

एज्युवार्ता न्यूज नेटवर्क 

इन्स्टिट्यूट ऑफ बँकिंग पर्सनल सिलेक्शनने (BIPS)  सार्वजनिक क्षेत्रातील बँकांमध्ये कस्टमर सर्व्हिस असो सिएट (क्लर्क) पदांसाठी मोठी भरती (Bank Clerk Recruitment 2026) प्रक्रिया सुरू केली आहे. एकूण 11 हजार 403 रिक्त जागांसाठी (IBPS Clerk 11403 Vacancy Application) ही मेगाभरती सुरू झाली असून, बँकिंग क्षेत्रात करिअर करू इच्छिणाऱ्या हजारो तरुणांना ही सुवर्णसंधी मानली जात आहे. इच्छुक उमेदवार आज 1 ऑगस्ट 2026 पासून अधिकृत वेबसाइट www.ibps.in वर जाऊन ऑनलाइन अर्ज करू शकतात. अर्ज करण्याची शेवटची तारीख 21 ऑगस्ट 2026 आहे.

 उमेदवारांना अर्जात दुरुस्ती करण्यासाठी दोन दिवसांची अतिरिक्त मुदत देण्यात आली आहे. आयबीपीएस क्लर्क भरती ३०२६ अंतर्गत निवड झालेल्या उमेदवारांना विविध सार्वजनिक बँकांमध्ये स्थिर आणि प्रतिष्ठित नोकरी मिळणार आहे. ही भरती प्रक्रिया पूर्णपणे ऑनलाइन राहणार असून, प्रीलिम्स, मेन्स आणि दस्तऐवज पडताळणी अशा टप्प्यांत निवड होईल.

उमेदवारांनी कोणत्याही शाखेतील पदवीधर असणे आवश्यक आहे. याशिवाय संगणक साक्षरता अनिवार्य आहे. उमेदवाराने संगणक विषयात प्रमाणपत्र, डिप्लोमा किंवा पदवी घेतलेली असावी किंवा हायस्कूल/कॉलेज स्तरावर संगणक किंवा माहिती तंत्रज्ञान हा विषय असावा. वयाची किमान मर्यादा 20 वर्षे आणि कमाल मर्यादा 28 वर्षे आहे. SC/ST उमेदवारांना 5 वर्षे, OBC उमेदवारांना 3 वर्षे आणि दिव्यांग उमेदवारांना 10 वर्षांची वयोमर्यादेत सवलत देण्यात आली आहे.

सर्वसाधारण आणि ओबीसी उमेदवारांसाठी नोंदणी शुल्क ८५० रूपये आहे, तर SC, ST आणि PwD उमेदवारांना फक्त १७५ रुपये शुल्क लागू आहे. शुल्क ऑनलाइन पद्धतीने भरता येईल. बँकिंग क्षेत्रात सुरक्षित आणि चांगल्या संधी शोधणाऱ्या तरुणांसाठी ही आयबीपीएस क्लर्क भरती खरोखरच एक मोठी संधी आहे. इच्छुक उमेदवारांनी अधिकृत वेबसाइट नियमित तपासून अर्ज प्रक्रिया वेळेत पूर्ण करावी, असे आवाहन करण्यात आले आहे.