स्कुल बस आणि कारची समोरासमोर धडक; दोन विद्यार्थी जखमी

एज्युवार्ता न्यूज नेटवर्क 

पिंपरी-चिंचवड (Pimpri-Chinchwad accidents news) येथे स्कुल बस आणि कारचा (School bus and car accidents) भीषण अपघात झाल्याचे समोर आले आहे. यामध्ये कोणत्याही प्रकारची जीवित हाणी झाली नसून दोन विद्यार्थी किरकोळ जखमी झाले आहेत. दोन्ही चालकांनी प्रसंग अवधान लक्षात घेऊन वेळीच गाडीवर ताबा मिळवल्याने होणारी दुर्घटना थोडक्यात (An accident was narrowly avoided) टळली. अपघाताची बातमी समजताच स्थानिक पोलीस प्रशासनाने (Local Police Administration) घटनास्थळी धाव घेतली.  

घटनेची माहिती देताना पिंपरी-चिंचवडचे एसीपी सचिन हिरे म्हणाले, बीआयटी रोडवर ऑटो क्लस्टरसमोर कार आणि बसची धडक झाली. बसमध्ये 15 विद्यार्थी आणि 1 परिचर उपस्थित होते. त्यापैकी 2 विद्यार्थी किरकोळ जखमी झाले आहेत. बाकी सर्वजण सुखरूप आहेत. जखमींवर उपचार चालू आहेत. या घटनेत कोणीही जखमी झाले नसले तरी हा अपघात एवढा मोठा होता की, स्कुल बस आणि कारचे मोठ्या प्रमाणावर नुकसान झाले आहे. 

स्कुल बसचा चालक आमच्या ताब्यात आहे आणि कारचा चालक फरार आहे. मी आणि आमची टिम त्याचा शोध घेत आहे. आम्ही त्याला लवकरच पकडू. या प्रकरणाचा आम्ही प्राथमिक तपास करत आहोत आणि सीसीटीव्ही पाहून निष्कर्ष काढूत आहोत. दोन्ही चालकांचे जबाब नोंदवल्यानंतर या प्रकरणाची सत्यता समोर येईल,  अशी माहिती एसीपी हिरे यांनी दिली.