नृसिंह हायस्कूल शाळेच्या वतीने संविधान सन्मान तिरंगा रॅलीचे आयोजन
याप्रसंगी डोनेट एड सोसायटीच्या लेझीम पथकाने विविध प्रात्यक्षिके सादर केली.
Eduvarta
एज्युवार्ता न्यूज नेटवर्क
प्रजासत्ताक दिनाचे औचित्य साधून शितोळे नगर येथील नृसिंह हायस्कूल (Narasimha High School in Shitole Nagar) यांच्या सौजन्याने आणि सारिका भंडलकर यांच्या वतीने संविधान सन्मान तिरंगा रॅलीचे (Tiranga rally in honor of the Constitution) आयोजन करण्यात आले होते. यावेळी संविधानाच्या रक्षणासाठी व सन्मानासाठी तसेच विद्यार्थ्यांमध्ये देश प्रेमाची भावना जागृत राहण्यासाठी अशा उपक्रमांची समाजाला गरज आहे असे भंडलकर यांनी आपल्या प्रास्ताविकात नमूद केले.
या रॅलीच्या उद्घाटनासाठी सावित्रीबाई फुले पुणे विद्यापीठाचे प्र-कुलगुरू पराग काळकर, माजी महापौर माई ढोरे, शाळेचे प्राचार्य अशोक संकपाळ, सावित्रीबाई फुले पुणे अधिसभा सदस्य कृष्णा भंडलकर, अप्पा ठाकर, जवाहर ढोरे, गणेश ढोरे युवराज ढोरे आदि मान्यवर प्रमुख पाहुणे म्हणून उपस्थित होते.
या नृसिंह हायस्कूल शाळेच्या सुमारे सातशे विद्यार्थ्यांनी या उपक्रमामध्ये आपला सहभाग नोंदवला. याप्रसंगी डोनेट एड सोसायटीच्या लेझीम पथकाने विविध प्रात्यक्षिके सादर केली. या उपक्रमासाठी शरद ढोरे, नामदेव तळपे, अभाविप पिंपरी चिंचवड महानगर व सांगवी पोलीस स्टेशन स्टाफ यांचे विशेष सहकार्य लाभले.
