आदिवासी विद्यार्थ्यांना मोफत स्पर्धा परीक्षा प्रशिक्षण आणि १ हजार रुपये विद्यावेतन मिळणार

एज्युवार्ता न्यूज नेटवर्क 

आदिवासी उमेदवारांकरिता (Tribal candidates) वर्ग-३ व वर्ग-४ पदांकरिता घेतल्या जाणाऱ्या स्पर्धात्मक परीक्षेची तयारी करून घेण्याकरिता कौशल्य विकास, रोजगार व उद्योजकता माहिती व मार्गदर्शन केंद्र (Skill Development, Employment and Entrepreneurship Information and Guidance Center) येथे स्पर्धा परीक्षा पूर्व प्रशिक्षण १ एप्रिल ते १५ जुलै २०२५ या कालावधीत घेण्यात येणार आहे. प्रशिक्षण कालावधीत उमेदवारांना दरमहा १ हजार रुपये विद्यावेतन (Monthly stipend of 1 thousand) देय राहील. पात्रताधारकांना २५ मार्चपर्यंत अर्ज सादर करता येणार आहेत. 

२६ मार्च २०२५ रोजी सकाळी ११ वाजता मुलाखतीकरिता आदिवासी उमेदवारांकरिता जिल्हा कौशल्य विकास, रोजगार व उद्योजकता माहिती व मार्गदर्शन केंद्र, प्रशासकीय भवन, पहिला माळा, चंद्रपूर येथे मूळ कागदपत्रांसह उपस्थित राहावे. निवड यादी दुसऱ्या दिवशी सायंकाळपर्यंत प्रसिद्ध करण्यात येणार असल्याचे रोजगार व उद्योजक्ता मार्गदर्शन केंद्रातर्फे कळवले आहे. 

पात्रता -

उमेदवार अनु. जमाती एसटी (आदिवासी) प्रवर्गातील असावा, उमेदवाराचे किमान वय १८ ते ३८ दरम्यान असावे, उमेदवार किमान एचएचएससी परीक्षा उत्तीर्ण असावा, उमेदवारांचे नाव जिल्हा कौशल्य विकास, रोजगार व उद्योजकता मार्गदर्शन केंद्र, चंद्रपूर येथे नोंदणी केलेली असावी. अर्जासोबत उमेदवारांना शाळा सोडल्याचा दाखला, जातीचा दाखला किंवा जात वैधता प्रमाणपत्र, मार्कशिट्स एसएसीसी / एचएचएससी /पदवी, आधार कार्ड, जिल्हा कौशल्य विकास, रोजगार व उद्योजकता मार्गदर्शन केंद्र, चंद्रपूर या कार्यालयाचे नोंदणी कार्ड आदी कागदपत्र उमेद‌वारांकडे असणे गरजेचे आहे. 

असा करता येणार अर्ज 

अर्जामध्ये स्वतःचे पूर्ण नाव, संपूर्ण पत्ता, मोबाइल क्रमांक, आधार क्रमांक, जन्मतारीख, शैक्षणिक पात्रता, प्रवर्ग (जात), जिल्हा कौशल्य विकास, रोजगार व उद्योजकता मार्गदर्शन केंद्र चंद्रपूर यांचा नोंदणी क्रमांक आदी बाबींचा उल्लेख करावा व सोबत आवश्यक कागदपत्र जोडणे आवश्यक आहे.