१७ नंबर फाॅर्म भरा, अन् थेट बोर्डाची परीक्षा द्या; ३१ ऑगस्टपर्यंत मुदत

एज्युवार्ता न्यूज नेटवर्क

बोर्डाने दहावी आणि बारावीच्या विद्यार्थ्यांना (10th and 12th grade students) खासगीरीत्या फॉर्म १७ भरून परीक्षेला (Exam by filling Form 17) बसण्याची संधी दिली आहे. जे शाळेत जाऊ शकत नाहीत, नियमित शिक्षण घेऊ शकत नाहीत अथवा शिक्षण अर्धवट राहिलेल्यांसाठी ही सुवर्णसंधी आहे. आता त्यांना परीक्षेला बसण्याची प्रक्रिया ऑनलाइन सुरू (Online process started) झाली आहे. त्यासाठी शाळा सोडल्याचा दाखला मूळ प्रत, नसल्यास द्वितीय प्रत व प्रतिज्ञापत्र, आधारकार्ड, स्वतःचा पासपोर्ट आकाराचा फोटो ही कागदपत्रे आवश्यक असल्याचे सांगण्यात आले आहे.

सन २००३ ते १९ या कालावधीत वाढीव पदावर कार्यरत असलेल्या शिक्षकांचे समायोजन

दहावी आणि बारावीसाठी नोंदणी शुल्क १ हजार ११० रुपये, प्रक्रिया शुल्क १०० रुपये तसेच विलंब शुल्क १०० रुपये आहे. विद्यार्थ्यांनी नावनोंदणी अर्ज व नियमित शुल्क ऑनलाइन भरून अर्जाची प्रिंटआउट, ऑनलाइन नावनोंदणी शुल्क जमा केल्याबाबत पोचपावतीची प्रिंटआउट व मूळ कागदपत्रे अर्जावर नमूद केलेल्या शाळेत किवा कनिष्ठ महाविद्यालयात जमा करण्याची मुदत ३१ ऑगस्ट आहे.

माध्यमिक व उच्च माध्यमिक शिक्षण मंडळाचे अधिकृत संकेतस्थळ http://www.mahahsscboard.in वर ऑनलाइन नोंदणी करा. त्यापूर्वी ज्या शाळा, कनिष्ठ महाविद्यालयातून परीक्षा द्यायची आहे. त्या शाळा अथवा कनिष्ठ महाविद्यालयात जाऊन त्यांचा सांकेतिक क्रमांक, विषय योजना, माध्यम, शाखा व इतर आवश्यक माहिती घ्या. संकेतस्थळावरील स्टुडंट कॉर्नरवरील सूचनांची अंमलबजावणी करा. सर्व आवश्यक कागदपत्रे स्कॅनर, मोबाइलद्वारे पीडीएफ काढून अपलोड करा. दिलेल्या पत्त्यानुसार जिल्हा, तालुका निवडलेल्या माध्यमानुसार येणाऱ्या शाळांच्या यादीतून एका शाळेची निवड करा.

जे नियमित शिक्षण घेऊन शकत नाहीत, ज्यांची शाळा अर्थातच सुटली असे विद्यार्थी. तसेच, महाराष्ट्र राज्य मुक्त विद्यालय मंडळामार्फत इयत्ता पाचवी किंवा इयत्ता आठवी उत्तीर्ण विद्यार्थ्यांना इयत्ता दहावीसाठी खासगी विद्यार्थी म्हणून फॉर्म नंबर १७ भरून नावनोंदणी करता येते. अर्धवट शिक्षण राहिलेल्यांसाठी ही चांगली संधी असल्याचे संबंधितांकडून यावेळी सांगण्यात आले.