विद्यापीठ उपकुलसचिवांच्या डोक्यावर फाइलीचे गाठोडे; व्हिडीओ होतोय व्हायरल

एज्युवार्ता न्यूज नेटवर्क 

डॉ बाबासाहेब आंबेडकर मराठवाडा विद्यापीठाच्या (Dr. Babasaheb Ambedkar Marathwada University) उपकुल सचिव हेमलता ठाकरे  (Sub-district Secretary Hemlata Thackeray) यांचा एक व्हिडिओ व्हायरल होत आहे. त्यामध्ये उच्च पदस्थ महिला अधिकारी आपल्या कार्यालयाचे दप्तर चक्क डोक्यावर घेऊन जाताना दिसत आहेत. मराठवाडा विद्यापीठ प्रशासन (University Administration) मुद्दाम शिपाई देत नसल्याने माझ्यावर ही वेळ आली असल्याचा आरोप हेमलता यांनी विद्यापीठावर केला आहे. मात्र, एका विभागातून दुसऱ्या विभागात बदली झाल्यानंतर कागदपत्र किंवा दप्तर घेऊन जाण्याची आवश्यकता आहे का? असा सवाल उपस्थित केला जात आहे. 

माझ्यावर सतत अन्याय होत असल्याचा आरोप हेमलता ठाकरे  यांनी केला असून विद्यापीठ प्रशासन मला सहकार्य करीत नाही. विद्यापीठ प्रशासनाने माझी परीक्षा विभागातून मुख्य कार्यालयात बदली केली. तिथे गेल्यानंतर मला कार्यालयीन कामकाजासाठी शिपाई असणे गरजेचे आहे. वैयक्तिक अडचणींमुळे महिला शिपाई देण्यात यावी, अशी मी वारंवार मागणी करूनही माझ्या मागणीची पूर्तता होत नाही. 

माझे सहकारी माझ्या अडचणींबाबत विद्यापीठ प्रशासनाला अवगत करत होते. मात्र, तरीही प्रशासन कुठलेही पाऊल उचलत नव्हते. त्यामुळे मी माझी कामे स्वत: करण्याचा निर्णय घेतला. झाडू मारणे, केबिन साफ करणे ही काम करते. तसेच माझे कार्यालयाचे दप्तर मला स्वत:ला नव्या कार्यालयात घेऊन जावे लागले, असा दावाही त्यांनी केला आहे. मात्र विद्यापीठ प्रशासनाकडून हे दावे फेटाळले जात आहेत.