CAT परीक्षेसाठीच्या नोंदणीची अंतिम मुदत वाढली..
आता उमेदवार 20 सप्टेंबरपर्यंत अर्ज करू शकतात.
eduvarta@gmail.com 
एज्युवार्ता न्यूज नेटवर्क
कॉमन ॲडमिशन टेस्टसाठी (CAT) अर्ज (Application) करण्याची आणखी एक संधी देण्यात आली आहे. जे उमेदवार यापूर्वी अर्ज करू शकले नाहीत त्यांना आता अर्ज भरता येईल. या परीक्षेची अंतिम तारीख वाढवण्यात (exam has been extended) आली असून आता उमेदवार 20 सप्टेंबरपर्यंत अर्ज करू शकतात. यापूर्वी फॉर्म भरण्याची अंतिम तारीख १३ सप्टेंबर होती. जी आता वाढवण्यात आली आहे.
अर्ज करण्यासाठी उमेदवाराने मान्यताप्राप्त विद्यापीठातून किमान ५० टक्के गुणांसह पदव्युत्तर पदवी प्राप्त केलेली असणे आवश्यक आहे. राखीव श्रेणी आणि PH श्रेणीतील उमेदवारांसाठी ते ४५ टक्के असणार आहे. ही परीक्षा 24 नोव्हेंबर 2024 रोजी देशातील १७० शहरांमधील विविध केंद्रांवर घेतली जाणार आहे. MBA मध्ये प्रवेश घेऊ इच्छिणारे पात्र उमेदवार अर्ज करू शकतात.
यावर्षी CAT परीक्षेचा अर्ज करण्यासाठीच्या शुल्कात वाढ करण्यात आली आहे. यापूर्वी सर्वसाधारण प्रवर्गासाठी २ हजार ४०० रुपये शुल्क होते, ते यंदा २ हजार ५०० रुपये करण्यात आले आहे. तर आरक्षित श्रेणी आणि PH श्रेणीसाठी 1 हजार 200 रुपये शुल्क होते, ते यंदा 1 हजार 250 रुपये करण्यात आले आहे.
