SBI मध्ये विविध पदांवर बंपर भरती..
उमेदवारांनी अर्ज करण्यासाठी अधिकृत वेबसाइट https://sbi.co.in/ ला भेट द्यावी.
eduvarta@gmail.com 
एज्युवार्ता न्यूज नेटवर्क
बँकेत काम करण्याची इच्छा असणार्यांसाठी महत्वाची माहिती आहे. स्टेट बँक ऑफ इंडियाने (SBI) भरतीची (Recruitment) अधिसूचना प्रसिद्ध केली आहे. त्यानुसार बँकेत अनेक पदांवर भरती होणार आहे. या भरती मोहिमेसाठी अर्ज प्रकिया (Application Process) सुरु झाली असून अंतिम तारीख 4 ऑक्टोबर असणार आहे. अर्ज करण्यासाठी उमेदवारांनी (Candidates) https://sbi.co.in/ या अधिकृत वेबसाइटला भेट द्यावी.
स्टेट बँक ऑफ इंडिया या भरती मोहिमेद्वारे स्पेशलिस्ट कॅडर ऑफिसरच्या (SCO) 1 हजार 497 जागा भरणार आहेत. मोहिमेतून उपव्यवस्थापक व सहायक व्यवस्थापक (Deputy Manager and Assistant Manager) पदे भरण्यात येणार आहेत.
उपव्यवस्थापक पदाच्या निवड प्रक्रियेमध्ये शॉर्टलिस्टिंग आणि मुलाखतीचा समावेश आहे. मुलाखत 100 गुणांचा असेल आणि त्या आधारे गुणवत्ता यादी तयार केली जाणार आहे. तर सहाय्यक व्यवस्थापक या पदासाठी ऑनलाइन पद्धतीने लेखी परीक्षा आणि मुलाखत होणार आहे. या परीक्षेत एकूण 60 प्रश्न असतील आणि ते 100 गुणांचे असतील, ज्याचा कालावधी 75 मिनिटांचा असणार आहे. या परीक्षेतील यशस्वी उमेदवारांना मुलाखतीसाठी बोलावले जाईल, जी 25 गुणांची असणार आहे.
दरम्यान, सामान्य/EWS/OBC उमेदवारांसाठी अर्जाची फी रु 750 असणार आहे. तर SC/ST/PWBD उमेदवारांसाठी कोणतेही शुल्क नसेल.
