धक्कादायक : देशात टॉप करणार्या NEET विद्यार्थ्याची गळफास घेऊन आत्महत्या
आकडेवारीनुसार, 2024 मध्ये एकट्या कोटामध्ये 15 NEET परीक्षार्थींनी आत्महत्या केल्या आहेत.
eduvarta@gmail.com 
एज्युवार्ता न्यूज नेटवर्क
वैद्यकीय प्रवेश परीक्षेमध्ये (NEET UG) संपूर्ण देशात अव्वल स्थान पटकावून AIR-1 रँक मिळवणार्या नवदीप सिंग (Navdeep Singh) या विद्यार्थ्याने आत्महत्या (Student suicide) केल्याची धक्कादायक माहिती पंजाब (Panjab) येथून समोर आली आहे.
नवडीप याने 2017 मध्ये NEET मध्ये टॉप केले होते. दिल्लीतील (Delhi) मौलाना आझाद मेडिकल कॉलेजमध्ये (Maulana Azad Medical College) २५ वर्षीय नवदीपने रविवारी रात्री पारशी अंजुमन गेस्ट हाउसमध्ये (Parsi Anjuman Guest House) गळफास घेऊन आत्महत्या केली. सध्या तो रेडिओलॉजीमध्ये पदव्युत्तर (Post Graduate in Radiology) शिक्षण घेत होता. 2017 मध्ये, नवदीप सिंगने NEET परीक्षेत 697 गुणांसह प्रथम क्रमांक मिळवला होता. पोलिसांनी सध्या नवदीपची खोली सील केली आहे. तसेच पोलिसांनी विद्यार्थ्याचा मोबाईल जप्त करून फॉरेन्सिक तपासणीसाठी पाठवला आहे. विद्यार्थ्याच्या खोलीतून कोणतीही सुसाइड नोट सापडलेली नाही.
आकडेवारीनुसार, 2024 मध्ये एकट्या कोटा शहरामध्ये 15 NEET परीक्षार्थींनी आत्महत्या केल्या आहेत. त्याचबरोबर देशाच्या इतर भागातूनही विद्यार्थ्यांच्या आत्महत्येच्या अनेक बातम्या येत आहेत. तर गेल्या वर्षी कोटामध्ये २९ विद्यार्थ्यांनी आत्महत्येचा प्रयत्न केल्याचे एका अहवालात दिसून आले आहे.
