पॉलिटेक्निक अभ्यासक्रमाच्या प्रवेश अर्जासाठी 'या' तारखेपर्यंत मुदतवाढ

एज्युवार्ता न्यूज नेटवर्क 

अभियांत्रिकी अभ्यासक्रमांमधील प्रथम वर्ष पदविका (पॉलीटेक्निक) अभ्यासक्रमांच्या (Polytechnic Diploma Courses) प्रवेश अर्जासाठी मुदत (Extension of admission application deadline) वाढवण्यात आली आहे. त्यामुळे अद्याप अर्ज न केलेल्या विद्यार्थ्यांना हा फार मोठी दिलासा म्हणावा लागेल. राज्याचे उच्च व तंत्र शिक्षण मंत्री चंद्रकांत पाटील (Minister of Higher and Technical Education Chandrakant Patil) यांनी याबाबत अधिकृत घोषणा केली आहे. विद्यार्थ्यांचा चांगला प्रतिसाद आणि प्रमाणपत्र मिळण्यास होणारा उशीर लक्षात घेऊन हा निर्णय घेण्यात आला आहे. त्यानुसार आता विद्यार्थांना २६ जून २०२५ पर्यंत अर्ज भरता येणार (Students can apply until June 26, 2025) आहे. 

राज्यातील अभियांत्रिकी पदविका अभ्यासक्रमांना विद्यार्थ्यांचा चांगला प्रतिसाद मिळत आहे. आतापर्यंत १ लाख २८ हजार १०२ विद्यार्थ्यांनी नोंदणी केली आहे. यापैकी १ लाख १० हजार विद्यार्थ्यांनी शुल्क भरून अर्ज जमा केले आहेत. अनेक विद्यार्थ्यांना प्रमाणपत्र मिळण्यास उशीर होत आहे. त्यामुळे त्यांना प्रवेश प्रक्रियेत कोणतीही अडचण येऊ नये, यासाठी मुदतवाढ देण्यात आली आहे, मंत्री चंद्रकांत पाटील यांनी म्हटले आहे. 

'एसटी पास' आता थेट शाळा, काॅलेजमध्ये मिळणार, परिवहन मंत्र्याची घोषणा

उच्च व तंत्र शिक्षणमंत्री चंद्रकांत पाटील म्हणाले, "विद्यार्थ्यांना प्रवेश प्रक्रियेतून वंचित ठेवू नये म्हणून अर्ज सादर करण्यास मुदतवाढ देण्यात यावी, असे निर्देश देण्यात आले आहेत." अर्ज करण्याची अंतिम मुदत २६ जून २०२५ पर्यंत वाढवण्यात आली आहे. प्रवेश प्रक्रियेचे वेळापत्रक आणि इतर माहिती संकेतस्थळावर उपलब्ध आहे, असेही त्यांनी सांगितले. यासंदर्भातील सविस्तर वेळापत्रक, प्रवेश प्रक्रियेचा तपशील आणि अर्ज सादरीकरणासाठी आवश्यक माहिती https://dte.maharashtra.gov.in या संकेतस्थळावर उपलब्ध असल्याचेही मंत्री पाटील यांनी स्पष्ट केले आहे.