नवी मुंबई महानगरपालिकेच्या 'या' तारखेला होणार परीक्षा
ही भरती ६६८ रिक्त पदांसाठी होत असून यासाठी एकूण ८४ हजार ७७४ उमेदवारांनी अर्ज दाखल केले आहेत. यातील पात्र उमेदवारांची लवकरच लेखी परीक्षा घेतली जाणार आहे.
eduvarta@gmail.com 
एज्युवार्ता न्यूज नेटवर्क
नवी मुंबई महानगरपालिकेच्या भरतीबाबत (Navi Mumbai Municipal Corporation Recruitment) मोठी बातमी आहे. नवी मुंबई महानगरपालिकेच्या सरळसेवा पदभरती २०२५ च्या (Saralseva Recruitment 2025) परीक्षांचे वेळापत्रक (Exam timetable) प्रसिद्ध करण्यात आले आहे. त्यानुसार या परीक्षा ऑनलाईन (Online Exam) पद्धतीने होणार असून दि. १५ जुलै, १६ जुलै, १७ जुलै, १८ जुलै आणि २१ जुलै २०२५ या कालावधीत घेण्यात येणार आहे.
ही भरती ६६८ रिक्त पदांसाठी होत असून यासाठी एकूण ८४ हजार ७७४ उमेदवारांनी अर्ज दाखल केले आहेत. यातील पात्र उमेदवारांची लवकरच लेखी परीक्षा घेतली जाणार आहे. (NMMC Exam Admit Card) तसेच या परीक्षा राज्यातील विविध जिल्ह्यात घेतल्या जाणार आहेत. या परीक्षेचे हॉलतिकीट आणि पुढील माहिती लवकरच उपलब्ध केली जाईल असे पालिकेमार्फत सांगण्यात आले आहे.
तसेच ही परीक्षा निर्विघ्न, सुरक्षित वातावरणात पार पडाव्यात, यादृष्टीने परीक्षा केंद्रांवर पोलिस बंदोबस्त ठेवण्याचा निर्णय पालिका आयुक्त डॉ. कैलास शिंदे यांनी घेतला आहे. यासंदर्भात त्यांनी राज्यातील सर्व जिल्ह्यांच्या पोलिस अधीक्षकांना पत्र पाठवून प्रत्येक केंद्रांवर पोलिस बंदोबस्त देण्याची विनंती केली आहे.
दरम्यान, या भरती प्रक्रियेदरम्यान काही समाजकंटक उमेदवारांना खोटी आश्वासने देऊन आर्थिक फसवणूक करण्याचा धोका असल्याने याचीही प्रशासनाने गंभीर दखल घेतली आहे.
