नवोदय विद्यालय सहावी प्रवेश अर्जासाठी मुदतवाढ, 'या' तारखेपर्यंत करता येणार अर्ज 

एज्युवार्ता न्यूज नेटवर्क 

नवोदय विद्यालय समिती (NVS) ने जवाहर नवोदय विद्यालय निवड चाचणी (JNVST) 2025 साठी अर्ज करण्याची अंतिम तारीख वाढवली (Last date extended) आहे. ज्या पालकांना काही कारणास्तव अद्याप अर्ज करता आला नाही त्यांच्याकडे अर्ज प्रक्रिया पूर्ण करण्यासाठी 23 सप्टेंबरपर्यंत वेळ आहे. नवोदय विद्यालयात त्यांच्या मुलांच्या प्रवेशासाठी, पालक navodaya.gov.in या अधिकृत वेबसाइटला भेट देऊन ऑनलाइन अर्ज भरू शकतात.

जवाहर नवोदय विद्यालय प्रवेश परीक्षेत बसण्यासाठी, विद्यार्थ्याने सरकारी/ शासकीय अनुदानित शाळेत इयत्ता 5 वी मध्ये शिकत असणे आवश्यक आहे. यासोबतच विद्यार्थ्याचा जन्म 1 मे 2012 पूर्वी आणि 31 जुलै 2014 नंतर झालेला नसावा. अर्ज किंवा इतर कोणत्याही प्रकारची समस्या असल्यास, आपण हेल्प डेस्क क्रमांक 0120- 2975754 वर संपर्क साधू शकता. 

असा करता येणार अर्ज 

जवाहर नवोदय विद्यालय प्रवेश परीक्षा 2025 अर्ज भरण्यासाठी, प्रथम अधिकृत वेबसाइटnavodaya.gov.in ला भेट द्या. वेबसाइटच्या मुख्यपृष्ठावर क्लिक करा. इयत्ता VI जवाहर नवोदय विद्यालय निवड चाचणी 2025 साठी ऑनलाइन अर्ज सबमिट करण्यासाठी येथे क्लिक करा. यानंतर इयत्ता VI JNVST (2025-26) साठी नोंदणीसाठी येथे क्लिक करा. आता आवश्यक तपशील भरून नोंदणी करा. यानंतर स्वाक्षरी, छायाचित्र इ. अपलोड करा. त्यानंतर पूर्णपणे भरलेला फॉर्म सबमिट करा. शेवटी, नोंदणी अर्जाची प्रिंट काढून भविष्यातील वापरासाठी सुरक्षित ठेवा.