नॅशनल थर्मल पॉवर कॉर्पोरेशनच्या विविध विभागांमध्ये ‘या’ पदाच्या भरतीसाठी अधिसूचना प्रसिद्ध

एज्युवार्ता न्यूज नेटवर्क

नॅशनल थर्मल पॉवर कॉर्पोरेशनने (NTPC)  विविध विभागांमध्ये उपव्यवस्थापक (Deputy Manager Post) पदाच्या भरतीसाठी (recruitment) अधिकृत अधिसूचना प्रसिद्ध केली आहे. या पदांसाठी अर्ज करणारे उमेदवार (candidates) 28 सप्टेंबरपर्यंत https://ntpc.co.in/  या अधिकृत वेबसाइटवर जाऊन अर्ज (application) भरू शकतात.

एनटीपीसीच्या या भरतीद्वारे, उपव्यवस्थापकाच्या 250 जागांसाठी थेट नियुक्ती केली जाणार आहे. या पदांसाठी अर्ज करण्यासाठी, उमेदवारांनी किमान 60 टक्के गुणांसह मान्यताप्राप्त विद्यापीठातून संबंधित ट्रेडमधील BE/B.Tech पदवी असणे आवश्यक आहे. याशिवाय संबंधित क्षेत्रात 10 वर्षांचा कामाचा अनुभव असणे आवश्यक आहे.

या भरतीमध्ये सहभागी होण्यासाठी उमेदवारांचे कमाल वय 40 वर्षे असावे. यापेक्षा जास्त वयोमर्यादा असलेले लोक या पदांसाठी पात्र नाहीत. सर्वसाधारण/OBC/EWS उमेदवारांना अर्जादरम्यान रु. 300 अर्ज शुल्क भरावे लागेल. SC/ST/महिला/XSM श्रेणीतील उमेदवारांसाठी कोणतेही शुल्क नाही.

दरम्यान, उमेदवार उपव्यवस्थापक पदासाठी careers.ntpc.co.in. वर जाऊन अर्ज करू शकतात. अर्ज फी भरण्यासाठी उमेदवारांकडे ऑफलाइन आणि ऑनलाइन दोन्ही पर्याय आहेत. उमेदवार त्यांच्या सोयीनुसार दोनपैकी कोणत्याही पद्धतीने अर्ज शुल्क जमा करू शकतात. भरतीशी संबंधित इतर कोणत्याही माहितीसाठी, उमेदवार NTPC च्या अधिकृत वेबसाइटला भेट देऊ शकतात.