CTET 2024 प्रोव्हिजनल उत्तर की प्रसिद्ध 

एज्युवार्ता न्यूज नेटवर्क 

केंद्रीय शिक्षक पात्रता परीक्षा (CTET  2024) मध्ये परीक्षा दिलेल्या उमेदवारांसाठी महत्वाची बातमी आहे.  सेंट्रल बोर्ड ऑफ सेकंडरी एज्युकेशन (CBSE) द्वारे  24 जुलै रोजी CTET प्रोव्हिजनल उत्तर की प्रसिद्ध करण्यात आली आहे. केंद्रीय शिक्षक पात्रता परीक्षा उत्तर की (CTET Answer Key 2024) सीबीएसईच्या अधिकृत संकेतस्थळावर ctet.nic.in वर प्रसिद्ध करण्यात आली आहे. उमेदवार लॉगिन तपशील प्रविष्ट करून उत्तर की डाउनलोड करू शकतात. 

या उत्तर की द्वारे उमेदवार त्यांच्या प्रश्नांची उत्तरे जुळवू शकतात आणि त्यावर आक्षेप नोंदवू शकतात. आक्षेप नोंदवण्यासाठी उमेदवारांना प्रतिउत्तर 1 हजार रुपये भरावे लागतील. हरकत नोंदवण्यासाठी ऑनलाइन पद्धतीने फी जमा करता येईल. उमेदवाराने केलेला दावा योग्य असल्याचे आढळल्यास त्यासाठी गुण दिले जातील. 

सी -टीईटी जुलै सत्र परीक्षा सीबीएसईने 7 जुलै रोजी देशभरातील 136 शहरांमध्ये दोन शिफ्टमध्ये घेतली होती. पहिल्या शिफ्टच्या परीक्षेची वेळ सकाळी 9:30 ते दुपारी 12 वाजेपर्यंत तर दुसऱ्या शिफ्टच्या परीक्षेची वेळ दुपारी 2:30 ते 4 होती.

या पद्धतीना करा उत्तर की डाऊनलोड 

प्रथम अधिकृत वेबसाइट ctet.nic.in वर जा. वेबसाइटच्या होम पेजवरील (CTET जुलै-2024) वर क्लिक करा. पुढील पृष्ठावरील लिंकवर पुन्हा क्लिक करा, त्यानंतर तुम्हाला रोल नंबर आणि जन्मतारीख भरावी लागेल. यानंतर स्क्रीनवर उत्तर की उघडेल जिथून तुम्ही ती डाउनलोड करू शकता. आपण एखाद्या उत्तराने समाधानी नसल्यास, लॉग इन करून आक्षेप नोंदवू शकता.