बातमी पाकिस्तानची : राज्यपालांच्या शैक्षणिक हस्तक्षेपामुळे प्राचार्यांचा राजीनामा 

एज्युवार्ता न्यूज नेटवर्क 

प्रवेशास अपात्र असलेल्या विद्यार्थ्यांना अनधिकृतपणे प्रवेश देण्यास भाग पाडणे, प्रतिष्ठित लोकांच्या पाल्याना फी माफी, सुट्या वाढवून देणे अशा पद्धतीने राज्यपालांच्या वाढत्या हस्तक्षेपामुळे महाविद्यालयाच्या प्राचार्यांवर राजीनामा देण्याची वेळ आली आहे.ही घटना पाकिस्तान मधील असून त्यावरून विद्यार्थी व पालकांमध्ये संतापाची भावना आहे.

गेल्या काही महिन्यांपासून शैक्षणिक गुणवत्ता खालवल्यामुळे आणि भ्रष्टाचारमुळे चर्चेत असलेल्या पाकिस्तान मधील ही घटना आहे. पाकिस्तानच्या प्रसिध्द एचिसन कॉलेजचे प्राचार्य मायकेल ए थॉमसन यांनी आपल्या पदाचा राजीनामा दिला आहे. पाकिस्तानमधील पंजाब प्रांताचे गव्हर्नर बालीघुर रहमान यांच्या महाविद्यालयीन कामकाजात  वाढत्या हस्तक्षेपामुळे आणि मनमानी कारभारामुळे थॉमसन यांनी हा निर्णय घेतल्याचे बोलले जात आहे. 

थॉमसन यांनी आपल्या राजीनामा पत्रात म्हटले आहे की, "  अत्यंत खराब कारभारात पद सोडण्याशिवाय माझ्याकडे पर्याय उरला नाही.  केवळ काही लोकांच्या फायद्यासाठी महाविद्यालयाची धोरणे बदलण्यास भाग पाडले जात आहे."

थॉमस यांच्या राजीनाम्यावरून पालक आणि विद्यार्थ्यांमध्ये संतापाचे वातावरण आहे. शाहबाजमधील कॅबिनेट सदस्य अहद चीमा यांच्या पाल्यांविरोधात दांडात्मक कारवाई करण्यापासून थॉमस यांना रोखण्यात आले होते, त्यांच्या शुल्कात कपात करण्यासाठी थॉमस यांच्यावर सक्ती केली जात होती. तसेच राज्यपालांनी  50 विद्यार्थ्यांना अनधिकृतपणे प्रवेश दिल्यामुळे थॉमस गेल्या काही दिवसांपासून तनावाखाली होते, असे पालकांचे म्हणणे आहे.

दरम्यान, पाकिस्तानचे प्रसिद्ध उद्योगपती सय्यद बाबर अली यांनीही ॲचिसन कॉलेजच्या संचालक मंडळाचा (BOD) राजीनामा दिला आहे. यावरून पाकिस्तानच्या शैक्षणिक वर्तुळात वाद निर्माण झाला आहे.