बीड हादरलं! मेडिकलच्या विद्यार्थिनीवर अत्याचार; फोटो अन् व्हिडिओ मुलीच्या आई-वडिलांना पाठवले

एज्युवार्ता न्यूज नेटवर्क 

राज्यात महिला व मुलींवर होणार्‍या अत्याचारने अक्षरश: कळस गाठला आहे.  रोज डझनभर अत्याचाराच्या घटना (incidents of torture) समोर येत आहेत. अशीच एक घटना बीडच्या (Beed Crime News) केजमधून समोर आली आहे. त्यामुळे संपूर्ण जिल्हा हादरला आहे. मेडिकलचे शिक्षण (Medical education) घेणाऱ्या एका तरुणीवर अत्याचार करून तिचे नग्न फोटो काढून तिच्या आईवडीलांना पाठवण्यात आल्याचे संतापजनक कृत्य एका नराधमाने केले आहे. 

मिळालेल्या माहितीनुसार, केजमध्ये मेडिकलचे शिक्षण घेणाऱ्या १९ वर्षीय तरुणीवर अत्याचार केल्याची संतापजनक घटना समोर आली आहे. विशेष म्हणजे अत्याचारादरम्यान या नराधम आरोपीने पीडितेने नग्न फोटो आणि व्हिडिओही काढले होते. त्यानंतर त्याने काढलेले अश्लील फोटो आणि व्हिडिओ व्हायरल करण्याची धमकी देत पीडितेवर वारंवार सतत अत्याचार केला. 

मात्र, त्यानंतर या तरूणीने नकार दिला म्हणून नराधम आरोपीने काढलेले फोटो आणि व्हिडिओ पीडितेच्या आई-वडिलांच्या व्हॉट्सअॅपवर पाठवले. त्यानंतर हा प्रकार समोर आला. या घटनेने संपूर्ण जिल्ह्यात खळबळ उडाली आहे. या संतापजक घटनेनंतर पोलीसांनी आरोपीवर  कारवाई केली आहे. याप्रकरणी पीडितेच्या तक्रारीवरून आरोपी सूरज गुंड याच्या विरुद्ध केज पोलीस ठाण्यात गुन्हा दाखल करण्यात आला आहे. पोलिसांनी आरोपीला ताब्यात घेतले असून पुढील तपास सुरू आहे.