विद्यार्थ्यांचे स्थलांतर थांबणार ; ऑस्ट्रेलियातील प्रसिद्ध मेलबर्न विद्यापीठ दिल्लीत केंद्र उभारणार

एज्युवार्ता न्यूज नेटवर्क 

भारताने परदेशी विद्यापीठांना दारे खुली (Open doors to foreign universities) केल्यानंतर देशात जगभरातील आघाडीच्या विद्यापीठांनी दार ठोठावायला सुरूवात केली आहे. इंग्लंडच्या साउथम्पटन विद्यापीठानंतर आता ऑस्ट्रेलियाच्या प्रसिद्ध मेलबर्न विद्यापीठानेही (University of Melbourne) देशात स्वत:चे केंद्र सुरू करण्याचा निर्णय घेतला आहे. ज्याची स्थापना दिल्लीत होणार आहे. ज्याद्वारे विद्यापीठ आपले सर्व शैक्षणिक आणि संशोधन उपक्रम (Educational and research activities) राबवणार आहे.

या आठवड्यात मेलबर्न विद्यापीठ त्याची अधिकृत घोषणा करेल. मेलबर्न विद्यापीठ सध्या ऑस्ट्रेलियातील प्रथम क्रमांकाचे विद्यापीठ आहे आणि "Q" क्रमवारीत जगातील 13 वे सर्वोत्तम विद्यापीठ आहे. अशा परिस्थितीत त्याचे देशात आगमन उच्च शिक्षण क्षेत्राला नवे बळ देणारे ठरणार आहे. मेलबर्न विद्यापीठाच्या या निर्णयामुळे देशात प्रवेश करणारे हे चौथे परदेशी विद्यापीठ ठरणार आहे. याआधी ऑस्ट्रेलियातील डीकिन आणि बोलोंगॉन्ग या दोन विद्यापीठांनी गुजरातमधील गिफ्ट सिटीमध्ये शैक्षणिक उपक्रम सुरू केले आहेत.

इंग्लंडचे साउथम्पटन विद्यापीठ देखील पुढील वर्षापासून गुरुग्राममध्ये आपले कॅम्पस सुरू करणार आहे. मिडिया रिपोर्टनुसार, या वर्षाच्या अखेरीस आणखी काही परदेशी विद्यापीठे देशात त्यांचे शैक्षणिक उपक्रम सुरू करण्याची घोषणा करू शकतात. एनईपीकडून परदेशी विद्यापीठांसाठी देशाचे दरवाजे उघडण्याची शिफारस करण्यात आली. या शिफारशीनंतर विद्यापीठ अनुदान आयोगाने (UGC) परदेशी विद्यापीठांसाठी देशात कॅम्पस उघडण्यासाठी नवीन मार्गदर्शक तत्त्वेही तयार केली आहेत.