'जामिया मिल्लिया इस्लामिया' येथे मोफत यूपीएससी कोचिंगसाठी आजपासून अर्ज प्रक्रिया सुरू
जामिया मिलिया इस्लामिया येथे मोफत केंद्रीय लोकसेवा आयोगाच्या प्रशिक्षणासाठी ऑनलाइन अर्ज प्रक्रिया आज, १ एप्रिलपासून सुरू झाली आहे. अनुसूचित जाती, अनुसूचित जमाती, अल्पसंख्याक आणि सर्व प्रवर्गातील महिला, ज्यांना नागरी सेवा परीक्षेची मोफत तयारी करायची आहे,
eduvarta@gmail.com 
एज्युवार्त न्यूज नेटवर्क
जामिया मिलिया इस्लामिया (Jamia Millia Islamia) येथे मोफत केंद्रीय लोकसेवा आयोगाच्या (UPSC) प्रशिक्षणासाठी ऑनलाइन अर्ज प्रक्रिया आज, १ एप्रिलपासून सुरू (Starts from April 1st) झाली आहे. अनुसूचित जाती, अनुसूचित जमाती, अल्पसंख्याक आणि सर्व प्रवर्गातील महिला, ज्यांना नागरी सेवा (Civil Services) परीक्षेची मोफत तयारी (Free Preparation) करायची आहे, ते JMI च्या अधिकृत वेबसाइट admission.jmi.ac.in वर जाऊन ऑनलाइन अर्ज भरू शकतात.
प्रवेश परीक्षेसाठी अर्ज फक्त admission.jmi.ac.in या वेबसाइटवर आवश्यक तपशील भरून ऑनलाइन सादर करता येतील. उमेदवारांनी ऑनलाइन अर्जासोबत १ हजार ३२५ अर्ज शुल्क भरणे आवश्यक आहे. परीक्षेसंबंधी अधिक माहितीसाठी, उमेदवार अधिकृत वेबसाइटला भेट देऊ शकतात किंवा अधिसूचना पाहू शकतात.
प्रवेशानंतर, निवड झालेल्या उमेदवारांना ७,००० ची सुरक्षा ठेव जमा करावी लागेल, जी नंतर परत केली जाईल. तसेच वसतिगृह देखभालीसाठी उमेदवारांना पहिल्या सहा महिन्यांसाठी एकरकमी ६,००० जमा करावे लागतील. यानंतर, महिन्याच्या पहिल्या आठवड्यात १,००० ची देखभाल ठेव जमा करावी लागेल. भोजन शुल्कासाठी, उमेदवारांना दरमहा २,५०० ते ३,००० दरम्यान रक्कम जमा करावी लागेल.
