MPSC राज्य सेवा मुख्य परीक्षा २०२५ करीता प्रवेशपत्र जाहीर 

एज्युवार्त न्यूज नेटवर्क 

महाराष्ट्र लोकसेवा आयोगामार्फत (MPSC) दिनांक ५, १८, १९ व २६ एप्रिल, २०२६ तसेच २ मे, २०२६ रोजी नियोजित राज्य सेवा मुख्य परीक्षा २०२५ (State Services Main Exam) करीता प्रवेश दिलेल्या उमेदवारांची प्रवेशपत्रे आयोगाच्या (Admit Cards Released) ऑनलाईन अर्ज प्रणालीच्या https://mpsconline.gov.in संकेतस्थळावरील प्रवेशपत्र उमेदवारांच्या खात्यामध्ये उपलब्ध करुन देण्यात आली आहेत. 

परीक्षा कक्षात प्रवेश मिळविण्यासाठी आयोगाच्या संकेतस्थळावरुन डाऊनलोड करुन प्रिंट केलेले मूळ स्वरुपातील प्रवेशपत्र सोबत आणणे अनिवार्य आहे. त्याशिवाय परीक्षेस प्रवेश दिला जाणार नाही. यासाठी महाराष्ट्र लोकसेवा आयोगामार्फत ४ जानेवारी, २०२६ रोजी नियोजित महाराष्ट्र गट-ब, अराजपत्रित सेवा संयुक्त पूर्व परीक्षा २०२५ करीता जाहिरात प्रसिद्ध करण्यात आली होती. 

आयोगाकडून विद्यार्थ्यांना काही महत्त्वाच्या सूचना देण्यात आल्या आहेत. परीक्षा कक्षात प्रवेश मिळविण्यासाठी प्रवेशपत्र सोबत आणणे अनिवार्य आहे. त्याशिवाय परीक्षेस प्रवेश दिला जाणार नाही. परीक्षेच्या दिवशी ऐनवेळी उद्भवू शकणाऱ्या अडचणी अथवा आंदोलने, मोर्चे, वाहतूक समस्या, अतिवृष्टी इत्यादी बाबी लक्षात घेऊन, परीक्षा सुरु होण्याच्या वेळेपूर्वी किमान दीड तास अगोदर संबंधित परीक्षा उपकेंद्रावर उपस्थित राहणे. तसेच, प्रत्यक्ष परीक्षा सुरु होण्याच्या वेळेपूर्वी एक तास अगोदर परीक्षा कक्षात उपस्थित राहणे अनिवार्य असल्याचे सांगण्यात आले आहे.