सेंट्रल बँक ऑफ इंडियात ४,५०० पदांसाठी अर्ज प्रक्रिया सुरू 

एज्युवार्ता न्यूज नेटवर्क

सरकारी बँकेत नोकरी शोधणाऱ्या उमेदवारांसाठी एक आनंदाची बातमी आहे. सेंट्रल बँक ऑफ इंडियामध्ये (Central Bank of India Recruitment) अप्रेंटिस पदासाठी मोठी भरती जाहीर (Recruitment announced) केली आहे. या भरतीसाठीची अर्ज प्रक्रियादेखील सुरू (Start the application process)  झाली आहे, त्यामुळे पात्र आणि इच्छुक उमेदवार सेंट्रल बँक ऑफ इंडियाच्या अधिकृत वेबसाइट centralbankofindia.co.in ला भेट देऊन ऑनलाइन अर्ज करू शकतात. 

या भरती मोहिमेअंतर्गत ४ हजार ५०० जागा भरल्या जाणार आहेत. त्यामुळे नोकरीच्या शोधात असलेल्या तरुणांसाठी महत्त्वाची संधी प्राप्त झाली आहे. अर्ज करण्याची प्रक्रिया सुरू झाली असून शेवटची तारीख २३ जून २०२५ पर्यंत आहे. इच्छुक उमेदवारांनी या तारखेला किंवा त्यापूर्वी अर्ज करावा. तसेच या भरतीसाठीचे अर्ज शुल्क भरण्याची शेवटची तारीख २५ जून २०२५ आहे. ऑनलाइन परीक्षा जुलैच्या पहिल्या आठवड्यात घेतली जाईल. उमेदवार पात्रता, निवड प्रक्रियेची माहिती अधिकृत जाहिरातीत पाहू शकतात. 

शैक्षणिक पात्रता व वयोमर्यादा -

या पदासाठी अर्ज करू इच्छिणाऱ्या उमेदवारांकडे भारत सरकारने मान्यता दिलेल्या विद्यापीठातून कोणत्याही शाखेतील पदवी किंवा केंद्र सरकारने मान्यता दिलेल्या कोणत्याही समकक्ष पात्रता असणे आवश्यक आहे. अर्ज करणाऱ्या उमेदवारांची वयोमर्यादा २० ते २८ वर्षांच्या दरम्यान असावी. NATS पोर्टलवर नोंदणीकृत उमेदवार अर्ज करण्यास पात्र आहेत. 

निवड प्रक्रिया -

निवड प्रक्रियेमध्ये BFSI SSC द्वारे घेतली जाणारी ऑनलाइन परीक्षा आणि राज्याच्या स्थानिक भाषेत एका चाचणी परीक्षेचा समावेश आहे. विचारलेल्या प्रश्नांची संख्या १०० आहे आणि कमाल गुण १०० आहेत. वस्तुनिष्ठ चाचण्यांमध्ये चुकीच्या उत्तरांसाठी कोणतेही नकारात्मक गुण असणार नाहीत