नीट यूजी: डमी उमेदवाराने दिली परीक्षा, ६० लाखांचा व्यवहार; एमबीबीएस विद्यार्थ्याला अटक

प्रतिष्ठित वैद्यकीय महाविद्यालयात शिक्षण घेत असलेल्या MBBS विद्यार्थ्याचे (MBBS student) नाव एका मोठ्या फसवणुकीत समोर आले आहे. राष्ट्रीय पात्रता सह प्रवेश परीक्षा (National Eligibility cum Entrance Test) (नीट-यूजी) २०२० मध्ये, त्याने 60 लाख रुपयांची मोबदल्यात  त्याच्या जागी दुसऱ्याला परीक्षा देण्यास लावल्याचा आरोप आहे. (held for using dummy candidate)

 ही घटना राजस्थान येथील  एम्स जोधपूरमध्ये उगडकीस आली आहे. राजस्थान पोलिसांनी शुक्रवारी त्याला आणि एका डॉक्टरला या प्रकरणात अटक केली, तर दुसऱ्या डॉक्टरला ताब्यात घेतले आहे.

जयपूरचे पोलिस उपायुक्त (पश्चिम) अमित कुमार म्हणाले की, "राष्ट्रीय चाचणी एजन्सी (एनटीए), नवी दिल्ली कडून एक अहवाल प्राप्त झाला आहे, ज्यामध्ये असे म्हटले आहे की नीट यूजी २०२० मध्ये ६६७ गुण मिळवणारा सचिन गोरा प्रत्यक्षात परीक्षेला बसला नव्हता. त्याच्या जागी एका डमी उमेदवाराने परीक्षेला बसला होता."

तपासात सचिनच्या प्रवेशपत्रावर डॉ. अजित गोरा यांचा फोटो असल्याचे उघड झाले. सचिन सध्या एम्स जोधपूर मेडिकल कॉलेजमध्ये एमबीबीएसच्या अंतिम वर्षाचा विद्यार्थी आहे. नागौरच्या घाटवा येथे सध्या आरोग्य अधिकारी म्हणून काम करणारे डॉ. सुभाष सैनी यांनी अजितला या फसवणुकीत सहभागी करून घेतले आणि त्या बदल्यात पैसे घेतले असा आरोप आहे. भरतपूर मेडिकल कॉलेजमधून एमबीबीएस पूर्ण करणारे डॉ. अजित गोरा सध्या एक वर्षाची अनिवार्य इंटर्नशिप करत आहेत.