अंगणवाडी सेविका व मदतनीस यांना २ हजार रुपये भाऊबीज भेट मिळणार..
भाऊबीज भेट रक्कम लवकरच अंगणवाडी सेविका व मदतनीस यांना वितरित करण्यात येईल. या निर्णयामुळे अंगणवाडी सेविका व मदतनीस यांच्या दिवाळीचा आनंद अधिक उजळून निघेल, असा विश्वासही मंत्री आदिती तटकरे यांनी व्यक्त केला.
Eduvarta
एज्युवार्ता न्यूज नेटवर्क
राज्यातील संपूर्ण अंगणवाडी सेविका व मदतनीस (Anganwadi workers and helpers) यांना २ हजार रुपये भाऊबीज म्हणून भेट देणार असल्याची माहिती महिला व बालविकास मंत्री आदिती तटकरे (Aditi Tatkare) यांनी दिली. एकात्मिक बाल विकास सेवा योजनेंतर्गत कार्यरत अंगणवाडी सेविका आणि मदतनीस यांना भाऊबीज भेट देण्यात येणार आहे. यासाठी एकूण ४०.६१ कोटी रुपयांचा निधी उपलब्ध (Funds of Rs 40.61 crore available) करून दिला असल्याची माहिती मंत्री तटकरे यांनी दिली आहे.
पुण्याचे 'आयआयएम'चे स्वप्न भंगले, शाखेचा विस्तार करण्यावर भर..
अंगणवाडी सेविका व मदतनीस या महिला व बालकांच्या संगोपनासाठी, पोषणासाठी आणि सर्वांगीण विकासासाठी महत्वाची सेवा बजावत आहेत. त्यांच्या कार्याचा गौरव करण्यासाठी ही भाऊबीजेची रक्कम भेट स्वरूपात मंजूर केली आहे. प्रत्येक अंगणवाडी सेविका व मदतनीस ही आपल्या समाजातील खरी ‘शक्ती’ असून, त्यांचा सण आनंदी व्हावा ही भूमिका आहे, असे तटकरे यांनी सांगितले.
भाऊबीज भेट रक्कम लवकरच अंगणवाडी सेविका व मदतनीस यांना वितरित करण्यात येईल. या निर्णयामुळे अंगणवाडी सेविका व मदतनीस यांच्या दिवाळीचा आनंद अधिक उजळून निघेल, असा विश्वासही मंत्री आदिती तटकरे यांनी व्यक्त केला. महिला व बालविकास विभागाच्या या निर्णयामुळे राज्यातील अंगणवाडी सेविका व मदतनीस यांना काहीचा आधार मिळणार आहे.
