शिक्षकाने दोन वेळा अल्पवयीन विद्यार्थिनीचा केला विनयभंग ; निगडीतील धक्कादायक प्रकार
आरोपी निवृत्ती काळभोर याच्याविरुद्ध निगडी पोलीस ठाण्यात २०१८ मध्ये शाळेतीलच एका अल्पवयीन मुलीशी अश्लील चाळे केल्याप्रकरणी पॉक्सो कायद्यान्वये गुन्हा दाखल करण्यात आला..
Eduvarta
एज्युवार्ता न्युज नेटवर्क
कोलकत्ता,बदलापूर,अकोला,कोल्हापूर येथे घडलेल्या विनयभंगाच्या घटनांमुळे सामान्य लोकांमध्ये रोष असताना निगडी येथून अशीच एक धक्कादायक घटना समोर आली आहे. येथील एका शाळेतील शिक्षकाने (School Teacher) अल्पवयीन विद्यार्थिनीचा विनयभंग (Molesting a student) केला.विशेष म्हणजे या शिक्षकावर काही वर्षापूर्वी POCSO अंतर्गत गुन्हा दाखल (A case was registered under POCSO) झाला होता. सध्या हा शिक्षक जामिनावर असून त्याने पुन्हा अश्लील कृत्य केले आहे. या प्रकरणी शिक्षक आणि या शिक्षकाला शाळेत पुन्हा प्रवेश दिल्या प्रकरणी शाळेचे मुख्याध्यापक (Principal of the school),ट्रस्टचे अध्यक्ष यांना अटक (Arrested) करण्यात आली आहे.निगडी येथील कीर्ती शाळेत (kirti school) हा प्रकार घडला आहे.
आरोपी शिक्षक देवराम काळभोर (Devram Kalbhor), कीर्ती शाळेचे मुख्याध्यापक अशोक जाधव (Ashok Jadhav), सोफिया एज्युकेशन सोसायटी ट्रस्टचे अध्यक्ष रोहिदास बलभीम जाधव (Rohidas Jadhav),अविंद्र अंकुश निकम (Avindra Nikam), गोरख सोपान जाधव (Gorakh Jadhav), हनुमंत दादा निकम (Hanumant Nikam),आणि शुक्ल कांबळे (Shukla Jadhav) यांना पोलिसांनी अटक केली आहे. तर लक्ष्मण नामदेव हेंद्रे (Laxman Hendre) हा आरोपी पसार आहे. या घटनेप्रकरणी पीडित मुलीच्या वडिलांनी निगडी पोलीस ठाण्यात (Nigdi Police) फिर्याद दिली आहे.
चिमुकल्या मुलींवर शाळेतील दोन शिपायांनी लैंगिक अत्याचार केल्याची घटना उघडकीस आली आहे.काही वर्षांपूर्वी एका शाळेतील मुलीवर झालेल्या अभद्र अत्याचाराच्या प्रकरणात या शिक्षकावर गुन्हा दाखल झाला होता. तो शिक्षक बाहेर आला असून पुन्हा त्याच शाळेतील विद्यार्थिनीवर हा अत्याचार झाल्याची घटना समोर आली आहे.गुन्हा दाखल होताच पोलिसांनी शाळेचे मुख्याध्यापक,ट्रस्टचे अध्यक्ष आणि इतरांना अटक केली आहे.
निगडी येथील सोफिया एज्युकेशन सोसायटीचे कीर्ती विद्यालय येथे ही घटना घडली आहे.पीडित मुलगी शाळेत सातवीच्या वर्गात शिकत आहे.आरोपी काळभोर हा शाळेत खेळाचा शिक्षक आहे. काळभोर हा पीडित मुलीस वारंवार लैंगिक त्रास देत असे. पीडित मुलीच्या वर्गातील विद्यार्थ्यांना पिटीच्या क्लाससाठी ग्रांउडवर घेवून जात व येत असताना पीडित मुलीशी अश्लील चाळे करीत असे. तसेच,हा प्रकार कोणाला सांगितला तर ‘तुला लय मारीन’ अशी धमकी देत असे. २१ ऑगस्ट रोजी पीडित मुलगी ही शौचालयातून बाहेर येत असताना काळभोर याने पुन्हा तिच्याशी अश्लील वर्तन केले. अखेर मुलीने घरच्यांना हा प्रकार सांगितल्यानंतर त्यांनी पोलीस ठाण्यात धाव घेतली.
आरोपी निवृत्ती काळभोर याच्याविरुद्ध निगडी पोलीस ठाण्यात २०१८ मध्ये शाळेतीलच एका अल्पवयीन मुलीशी अश्लील चाळे केल्याप्रकरणी पॉक्सो कायद्यान्वये गुन्हा दाखल करण्यात आला होता. या गुन्ह्यामध्ये काळभोर हा न्यायालयातून जामिनावर बाहेर आला होता. तरीसुद्धा त्याला शाळा व्यवस्थापनाने पुन्हा शाळेत नोकरी दिली. त्यामुळे शिक्षक निवृत्ती काळभोर याच्यासह शाळेचे प्राचार्य अशोक जाधव, तसेच, ट्रस्टचे अध्यक्ष रोहिदास जाधव यांच्यासह इतर आरोपींना निगडी पोलिसांनी अटक केली आहे.
