MHT CET 2025 : 'त्या' २८ हजार विद्यार्थ्यांची परीक्षा रद्द, पुन्हा घेतली जाणार परीक्षा
२७ एप्रिल रोजी सकाळच्या सत्रात झालेल्या इंजिनिअरिंग, फार्मसी अभ्यासक्रमाच्या परीक्षेमध्ये उमेदवारांना गणित विषयाशी संबंधित पर्यायांमध्ये अनेक चुका असल्याचे विद्यार्थ्यांनी परीक्षा कक्षाच्या निदर्शनास आणून दिले. पालक आणि विद्यार्थ्यांच्या तक्रारीची दखल घेवून २७ एप्रिल रोजी सकाळच्या सत्रात घेण्यात आलेली परीक्षा रद्द करण्याचा निर्णय घेण्यात आला असून आता ही परीक्षा ५ मे रोजी पुन्हा घेतली जाणार आहे.
eduvarta@gmail.com 
एज्युवार्ता न्यूज नेटवर्क
शैक्षणिक वर्ष २०२५-२६ (Academic year 2025-26) करीता राज्य सामाईक प्रवेश परीक्षा (State Common Entrance Examination) कक्षामार्फत घेण्यात येणाऱ्या प्रवेश पूर्व परीक्षा ९ एप्रिल पासून सुरू झाल्या आहेत. या दरम्यान २७ एप्रिल रोजी सकाळच्या सत्रात झालेल्या इंजिनिअरिंग, फार्मसी अभ्यासक्रमाच्या परीक्षेमध्ये (Engineering, Pharmacy course exams) उमेदवारांना गणित विषयाशी संबंधित पर्यायांमध्ये अनेक चुका असल्याचे विद्यार्थ्यांनी परीक्षा कक्षाच्या निदर्शनास आणून दिले. पालक आणि विद्यार्थ्यांच्या तक्रारीची दखल घेवून २७ एप्रिल रोजी सकाळच्या सत्रात घेण्यात आलेली परीक्षा रद्द करण्याचा निर्णय घेण्यात आला असून आता ही परीक्षा ५ मे रोजी पुन्हा घेतली जाणार (The exam will be taken again) आहे.
सामाईक प्रवेश परीक्षा कक्षामार्फत २७ एप्रिल रोजी सकाळच्या सत्रात झालेल्या परीक्षेमध्ये उमेदवारांना गणित विषयाशी संबंधित तांत्रिक अडचणी उद्भवल्याबाबत उमेदवारांनी ई-मेल, पत्र, टिकीट सिस्टम, दुरध्वनी आणि प्रत्यक्ष सीईटी कक्षास भेट देवून पालक / उमेदवारांनी आक्षेप / तक्रारी नोंदविल्या आहेत. उमेदवार / पालक यांच्या तक्रारींची दखल घेवून तसेच उमेदवरांच्या शैक्षणिक हित लक्षात सदरील परीक्षा रद्द करून ती पुन्हा घेण्यात येणार असल्याचे सीईटी सेलकडून प्रसिद्ध करण्यात आलेल्या पत्रकात म्हटले आहे.
https://eduvarta.com/Take-strict-action-against-those-who-play-with-the-future-of-students
परीक्षा कक्षातर्फे २७ एप्रिल रोजी सकाळच्या सत्रात घेण्यात आलेली परीक्षा रद्द करण्यात आली आहे. त्याचप्रमाणे २७ एप्रिल, २०२५ रोजी सकाळच्या सत्रात परीक्षा दिलेली आहे, अशा परीक्षेकरीता उपस्थित सर्व उमेदवारांची फेरपरीक्षा दिनांक ५ मे, २०२५ रोजी घेण्यात येणार आहे, याची संबंधीत उमेदवारांनी कृपया नोंद घ्यावी. सदर परीक्षेस उपस्थित राहिलेल्या उमेदवारांची यादी या कार्यालयाच्या अधिकृत संकेतस्थळावर प्रसिध्द करण्यात येईल. या यादीमध्ये नाव असलेल्या उमेदवारांना फेरपरीक्षा देणे अनिवार्य असणार आहे. सदर फेर परीक्षेचे प्रवेशपत्र उमेदवारांना त्यांच्या लॉगीनमध्ये उपलब्ध करुन देण्यात येणार आहे. उमेदवारांनी अधिकृत माहितीसाठी राज्य सीईटी कक्षाच्या संकेतस्थळ www.mahacet.org वर नियमितपणे भेट द्यावी, असे सीईटी सेलने म्हटले आहे.
