बारावीच्या परीक्षेचे हॉल तिकीट शुक्रवारपासून उपलब्ध
eduvarta@gmail.com 
पुणे: महाराष्ट्र राज्य माध्यमिक व उच्च माध्यमिक शिक्षण मंडळ तर्फे घेतल्या जाणाऱ्या इयत्ता बारावीच्या परीक्षेसाठी प्रविष्ट झालेल्या विद्यार्थ्यांचे हॉल तिकीट 27 जानेवारीपासून राज्य मंडळाच्या संकेतस्थळावर उपलब्ध करून देण्यात आले आहे.
कॉलेज लॉगिन मधून हॉल तिकीट डाऊनलोड करता येईल सर्व शाळा व कनिष्ठ विद्यालयांनी विद्यार्थ्यांना त्यांच्या हॉल तिकीटची प्रिंट आऊट काढून द्यावी. तसेच संबंधित प्रिंट आऊट वर मुख्याध्यापकाचा शिक्का व स्वाक्षरी असावी. हॉल तिकीट मध्ये विषय व माध्यम बदल असल्यास विभागीय शिक्षण मंडळाच्या कार्यालयात जाऊन त्यात बदल करून घ्यावा. हॉल तिकीट वरील फोटो सदोष असल्यास त्यावर विद्यार्थ्यांचा फोटो चिटकून संबंधित मुख्याध्यापक किंवा प्राचार्याने त्यावर शिक्का मारून स्वाक्षरी करावी. एकदा देण्यात आलेले हॉल तिकीट विद्यार्थ्यांकडून गहाळ झाल्यास त्याला पुन्हा प्रिंटआउट काढून द्यावी. मात्र, त्यावर लाल शाईने दुतीय प्रत असा शेरा लिहावा, असे राज्य मंडळातर्फे परिपत्रकाद्वारे कळवण्यात आले आहे.
