ऐकावे ते नवलच ; वेळेवर पोहोचण्यासाठी पठ्ठ्यानं पॅराग्लायडिंगने गाठलं परीक्षा केंद्र
पासरानी गावातील समर्थ महांगडे (Samarth Mahangade of Pasrani village) या विद्यार्थ्याला परीक्षा केंद्रावर पोहोचायला उशीर झाला होता. नेहमीच्या रस्त्याने गेल्यास वाहतूक कोंडीमुळे त्याला वेळ लागणार होता. म्हणून त्याने साहसी खेळप्रेमी गोविंद येवले यांची मदत घेतली. येवले यांनी समर्थसाठी पॅराग्लायडिंगची व्यवस्था केली.
Eduvarta
0
एज्युवार्ता न्यूज नेटवर्क
सातारा (Satara) जिल्ह्यातील वाईच्या एका पठ्याने चक्क पॅराग्लाइडिंग करत कॉलेज गाठलं. परीक्षेला वेळेवर पोहोचण्यासाठी या पठ्ठ्याने नामी शक्कल लढवली. पॅराग्लायडिंग करून कॉलेजला पोहोचतानाच्या व्हिडिओने सोशल मीडियावर धुमाकूळ घातला आहे. (student Reached exam center via Paragliding )
पासरानी गावातील समर्थ महांगडे (Samarth Mahangade of Pasrani village) या विद्यार्थ्याला परीक्षा केंद्रावर पोहोचायला उशीर झाला होता. नेहमीच्या रस्त्याने गेल्यास वाहतूक कोंडीमुळे त्याला वेळ लागणार होता. म्हणून त्याने साहसी खेळप्रेमी गोविंद येवले यांची मदत घेतली. येवले यांनी समर्थसाठी पॅराग्लायडिंगची व्यवस्था केली.
समर्थ आकाशातून उडत परीक्षा केंद्रावर उतरला आणि त्याने वेळेत परीक्षा दिली. या घटनेचा व्हिडिओ सोशल मीडियावर व्हायरल झाला आहे. समर्थच्या कल्पकतेचे आणि साहसाचे सर्वत्र कौतुक होत आहे.
मिळालेल्या माहितीनुसार, काही घरगुती कामानिमित्त समर्थ पाचगणीला गेला होता. मात्र, तिथं गेल्यावर त्याला कळालं की आज आपली परीक्षा आहे. त्यानंतर परीक्षेला केवळ 15-20 मिनिटं बाकी होती. नेमके त्याच दिवशी वाई-पाचगणी रोडवरील पसरणी घाटात वाहतूक कोंडी झाली होती. त्यामुळे परीक्षेच्या वेळेत घाट मार्गाने जाऊन पोहोचणे अशक्य होतं. आपली परीक्षा बुडणार याचं समर्थला टेन्शन आलं होतं. मात्र पाचगणीमध्ये पाराग्लाइडिंग करणार्या एका ग्रुपचे सभासद असलेले गोविंद येवले यांनी समर्थला मदत करण्याचं ठरवलं. त्यांनी चक्क पॅराग्लायडिंग करत या विद्यार्थ्याला पसरणीचा घाट पार करून गावामध्ये पोहोचवण्याची जबाबदारी घेतली. दुसरा कोणताच पर्याय नसल्यामुळे समर्थने सुद्धा भीत भीतच पॅराग्लायडिंग करत खाली जाण्याचा निर्णय घेतला आणि अखेर हा पठ्ठ्या पॅराग्लाइडिंग करत परीक्षा देण्यासाठी कॉलेजला वेळेत पोहोचला.
View this post on Instagram
