कॉन्स्टेबलच्या परीक्षेतच घडला गैरप्रकार ; ४ लाख रुपयांना परीक्षा हॉलमध्ये ब्लूटूथ

एज्युवार्ता न्यूज  नेटवर्क 

 कोणतेही गैरप्रकार होऊ नये, गैरप्रकार करणार्‍याला  शिक्षा व्हावी म्हणून नेहमी सतर्क राहणार्‍या आरपीएफ कॉन्स्टेबल पदाच्या लेखी परीक्षेतच (RPF Constable Written Exam) गैरप्रकार उघडकीस आला आहे. विशेष म्हणजे परीक्षा देणारा उमेदवार इलेक्ट्रॉनिक उपकरणाचा वापर करून कॉपी करत होता. (candidate was cheating by using electronic equipment) दिल्ली, नोयडा येथे घडलेल्या या प्रकरणात आरोपीला  4 लाख रुपयात परीक्षा हॉल मध्ये ब्ल्युटुथ उपलब्ध करून देण्यात आले होते. (The accused spent Rs 4 lakh to provide Bluetooth in the examination hall)

सध्या देशभरात आरपीएफ कॉन्स्टेबल पदासाठी लेखी परीक्षा सुरू आहेत. 7 मार्च रोजी नोयडा येथील आयडीझेड-२ सेंटर, सेक्टर ६२ येथे परीक्षेदरम्यान, आझाद नावाचा उमेदवार ५ व्या मजल्यावरील लॅब ए-५ मध्ये परीक्षा देत होता. त्याने बेंचखाली एक छोटे इलेक्ट्रॉनिक उपकरण लपवले होते आणि कानाला ब्लूटूथ लावून कोणाकडून तरी प्रश्नांची उत्तरे ऐकत होता. कक्ष निरीक्षक छत्रपाल यांना याबद्दल संशय आला आणि त्यांनी घटनास्थळी उपस्थित असलेल्या कर्मचाऱ्यांना बोलावून त्या उमेदवाराची  झडती घेतली. यावेळी त्याच्याकडून बेंचखाली ठेवलेले एक ब्लूटूथ आणि एक इलेक्ट्रॉनिक डिव्हाइस जप्त करण्यात आले. 

चौकशीदरम्यान, आझादने सांगितले की, त्याचा भाऊ असलम याने राहुल आणि पंकज यांच्याशी संपर्क साधला होता. राहुल आणि पंकज या दोघांसोबत ४ लाख रुपयांचा करार निश्चित झाला, ज्यामध्ये ५० हजार रुपये आगाऊ देण्यात आले. राहुल आणि पंकज यांनी अर्जुन डागर नावाच्या व्यक्तीशी संपर्क साधला. अर्जुन डागर आयडीझेड-२ केंद्रात काम करायचा आणि पैशाच्या बदल्यात उमेदवारांना फसवणूक करण्यास मदत करायचा. अर्जुन डागरने ७ व्या मजल्यावरील ए-७ लॅबच्या बाथरूममध्ये ब्लूटूथ आणि इलेक्ट्रॉनिक उपकरणे ठेवली, जी आझादने परीक्षेदरम्यान वापरली. आयडीझेड-२ सेंटर, सेक्टर ६२ येथे घेतली जात आहे.