शिपायाने तपासल्या विद्यार्थ्यांच्या उत्तरपत्रिका; मिळाला 5 हजार रूपयांचा मोबदला
पिपरिया येथील शहीद भगतसिंग सरकारी पदव्युत्तर महाविद्यालयात उत्तरपत्रिकांचे मूल्यांकन चालू होते, पण मूल्यांकन प्राध्यापकाने नाही तर एका शिपाईने केले. तेही फक्त ५००० रुपयांमध्ये. असा एक व्हिडिओ व्हायरल झाल्यानंतर ही बाब उघडकीस आली. यामध्ये महाविद्यालयातील चतुर्थ श्रेणी कर्मचारी पन्ना लाल पठारिया हे विद्यार्थ्यांच्या उत्तरपत्रिका तपासताना दिसले.
eduvarta@gmail.com 
एज्युवार्ता न्यूज नेटवर्क
विद्यार्थ्यांची वर्षभराची मेहनत आणि त्यांचे भविष्य या दोन्ही गोष्टी त्यांनी लिहीलेल्या परीक्षेच्या उत्तरपत्रिकांमध्ये बंधीस्त असतात. पदव्युत्तर शिक्षण घेत असलेल्या विद्यार्थ्यांच्या या उत्तरपत्रिका चक्क एका शिपायाने तपासल्याची धक्कादायक घटना समोर आली आहे. ( Peon Made To Evaluate Answer Sheets, In Pipariya College) मध्य प्रदेशातील नर्मदापुरम येथील एका महाविद्यालयातील एका शिपाईचा व्हिडिओ व्हायरल झाला आहे. या व्हिडिओमध्ये, शिपाई पदव्युत्तर महाविद्यालयीन विद्यार्थ्यांच्या उत्तरपत्रिका तपासताना दिसत आहे.
पिपरिया येथील शहीद भगतसिंग सरकारी पदव्युत्तर महाविद्यालयाशी हे प्रकरण संबंधित आहे. इथे उत्तरपत्रिकांचे मूल्यांकन चालू होते, पण मूल्यांकन प्राध्यापकाने नाही तर एका शिपाईने केले. तेही फक्त ५००० रुपयांमध्ये. एक व्हिडिओ व्हायरल झाल्यानंतर ही बाब उघडकीस आली. यामध्ये महाविद्यालयातील चतुर्थ श्रेणी कर्मचारी पन्ना लाल पठारिया हे विद्यार्थ्यांच्या प्रती तपासताना दिसले. पठारिया याने हिंदी विषयाच्या उत्तर पत्रिका 5 हजार रुपयात तपासले असल्याचे समोर आले आहे.
व्हिडिओ व्हायरल होताच शिक्षण विभागात एकच खळबळ उडाली. यावर विद्यार्थ्यांनी आणि त्यांच्या कुटुंबियांनी संताप व्यक्त केला. त्यानंतर उच्च शिक्षण विभागाने कारवाई केली आणि प्राध्यापकाला निलंबित केले. उच्च शिक्षण विभागाने तात्काळ कारवाई केली आणि चौकशीचे आदेश दिले. चौकशीनंतर, शिपाई आणि एका अतिथी शिक्षकावर कारवाई करण्यात आली. कार्यवाहक प्राचार्य डॉ. राकेश कुमार वर्मा आणि डॉ. रामगुलाम पटेल यांनाही निलंबित करण्यात आले आहे.
