NIACL मध्ये बंपर पदांवर अप्रेंटिस भरती

जर तुम्हाला सरकारी विमा कंपनीत अप्रेंटिसशिप करायची असेल, तर तुमच्यासाठी एक उत्तम संधी आहे. न्यू इंडिया अ‍ॅश्युरन्स कंपनी लिमिटेड (The New India Assurance Company Limited) NIACL ने ५०० पदांसाठी अप्रेंटिस भरती जाहीर केली आहे. (Apprentice recruitment has been announced) अर्जदाराकडे किमान पदवी असणे आवश्यक आहे.

 NIACL ने अप्रेंटिस पदांसाठी ऑनलाइन अर्ज प्रक्रिया सुरू केली  आहे. पात्र आणि इच्छुक उमेदवार त्यांच्या अधिकृत वेबसाइट newindia.co.in ला भेट देऊन अर्ज करू शकतात. अर्ज करण्याची शेवटची तारीख २० जून २०२५ आहे. 

उमेदवारांची निवड २६ जुलै २०२५  रोजी होणाऱ्या ऑनलाइन लेखी परीक्षेच्या आधारे केली जाईल. परीक्षा आणि त्यानंतरच्या टप्प्यात यशस्वीरित्या उत्तीर्ण होणाऱ्या उमेदवारांना न्यू इंडिया अ‍ॅश्युरन्स कंपनी लिमिटेडमध्ये अप्रेंटिसशिप करण्याची संधी मिळेल. अप्रेंटिसला दरमहा ९ हजार रुपये स्टायपेंड मिळेल.


 उमेदवारांकडे मान्यताप्राप्त विद्यापीठातून कोणत्याही क्षेत्रात पदवी किंवा समकक्ष पात्रता असावी. या भरतीसाठी फक्त तेच उमेदवार पात्र आहेत ज्यांनी १ एप्रिल २०२१ रोजी किंवा त्यानंतर पदवी प्राप्त केली आहे. १ जून २०२५ रोजी उमेदवारांचे वय २१ ते ३० वर्षांच्या दरम्यान असावे. 

जनरल आणि ओबीसीसाठी वर्गासाठी  ९४४ रुपये अर्ज शुल्क निश्चित करण्यात आले आहे. तर महिला उमेदवारांसाठी आणि  एससी/एसटीसाठी  ७०८ रुपये अर्ज शुल्क ठेवण्यात आले आहे. तसेच पीडब्ल्यूबीडीसाठी  ४७२ रुपये शुल्क ठरवण्यात आले आहे. 

अर्ज कसा करायचा?

* सर्वप्रथम NIACL च्या अधिकृत वेबसाइट newindia.co.in वर जा.
* नंतर करिअर विभागात जा आणि भरती लिंकवर क्लिक करा.
* त्यानंतर वैध ईमेल आयडी आणि मोबाइल नंबर वापरून स्वतःची नोंदणी करा.
* आता आवश्यक तपशीलांसह अर्ज भरा.
* त्यानंतर फोटो, सही, पदवी प्रमाणपत्र आणि सरकारने जारी केलेले ओळखपत्र इत्यादी कागदपत्रे अपलोड करा.
*त्यानंतर अर्ज शुल्क भरा.
*आता फॉर्म सबमिट करा आणि पुढील गरजेसाठी त्याची प्रिंट आउट घ्या.

अधिकृत अधिसूचनेत असे म्हटले आहे की उमेदवारांना या भरतीसाठी अर्ज करताना फक्त एक राज्य निवडावे लागेल आणि निवडीनंतर, उमेदवारांना विशिष्ट राज्याच्या क्षेत्राखालील कंपनीच्या विशिष्ट प्रादेशिक कार्यालयाच्या कोणत्याही कार्यालयात नियुक्त केले जाऊ शकते.