CISCE पुनर्मूल्यांकन निकाल जाहीर; आसमाधानी विद्यार्थी आज पासून करू शकतात पुनर्मूल्यांकनासाठी अर्ज

पुनर्तपासणीनंतरही जे विद्यार्थी त्यांच्या गुणांवर समाधानी नाहीत, त्यांच्यासाठी परिषदेने पुनर्मूल्यांकनाचा पर्याय उपलब्ध करून दिला आहे. इच्छुक उमेदवार २८ मे ते ३० मे २०२५ पर्यंत पुनर्तपासणीसाठी ऑनलाइन अर्ज करू शकतात.

May 28, 2025 - 13:13 Updated: May 28, 2025 - 13:16

CISCE पुनर्मूल्यांकन निकाल जाहीर; आसमाधानी विद्यार्थी आज पासून करू शकतात पुनर्मूल्यांकनासाठी अर्ज

एज्युवार्ता न्यूज नेटवर्क

भारतीय शालेय प्रमाणपत्र परीक्षा परिषदेने (The Council for Indian School Certificate Examinations) (CISCE) ICSE (इयत्ता १० वी) आणि ISC (इयत्ता १२ वी) परीक्षांचे पुनर्मूल्यांकन निकाल जाहीर केले आहेत. (ICSE (Class 10) and ISC (Class 12) exam revaluation results announced) पुनर्मूल्यांकनासाठी अर्ज केलेले विद्यार्थी आता अधिकृत वेबसाइट (cisce.org) द्वारे त्यांचे अद्यतनित गुण तपासू शकतात. CISCE ICSE आणि ISC ने ३० एप्रिल २०२५ रोजी परीक्षांचे मूळ निकाल जाहीर केले होते.

पुनर्तपासणीनंतरही जे विद्यार्थी त्यांच्या गुणांवर समाधानी नाहीत, त्यांच्यासाठी परिषदेने पुनर्मूल्यांकनाचा पर्याय उपलब्ध करून दिला आहे. इच्छुक उमेदवार २८ मे ते ३० मे २०२५ पर्यंत पुनर्तपासणीसाठी ऑनलाइन अर्ज करू शकतात.

पुनर्तपासणीमुळे केवळ उत्तरांच्या गणनेतील चुका दुरुस्त होतात, तर पुनर्मूल्यांकनात, विषय तज्ञ विद्यार्थ्यांच्या उत्तरपत्रिकांचे पुनर्मूल्यांकन करतात. पुनर्मूल्यांकनानंतर गुणांमध्ये काही बदल झाल्यास, ते अंतिम मानले जाईल आणि त्याला आव्हान देता येणार नाही, असे परिषदेने स्पष्ट केले आहे.

निकाल कसा तपासायचा
* सर्वप्रथम, अधिकृत वेबसाइट cisce.org वर जा
* आता होमपेजवर "रिचेक रिझल्ट" टॅब शोधा.
* पुढे, तुमच्या प्रवेशपत्रावर नमूद केलेला तुमचा युनिक आयडी (किंवा उमेदवार क्रमांक) आणि इंडेक्स क्रमांक द्या.
* पुनर्ततपासणीनंतर तुमचे अपडेट केलेले गुण पाहण्यासाठी "सबमिट करा" वर क्लिक करा.
शेवटी, भविष्यातील संदर्भासाठी प्रिंटआउट घ्या.