ZP NEWS :परीक्षा लवकर घ्या;पण अभ्यासाला वेळ द्या,स्पर्धा परीक्षा समन्वय समितीची मागणी 

एज्युवार्ता न्यूज नेटवर्क 

जिल्हा परिषद भरतीच्या (Zilla Parishad Recruitment) आरोग्य सेवक आणि ग्रामसेवक (Arogya Sevak and Gramsevak) पदांच्या परीक्षा अनेक महिन्यांपासून प्रलंबित आहेत. जून महिन्यात पेपर होणार अशा अफवा सगळीकडे पसरल्या आहेत.मात्र, ग्रामविकास विभागाने परीक्षांच्या तारखेबाबत स्पष्टीकरण प्रसिद्ध करावे. परीक्षा या लवकरात-लवकर घेण्यात याव्यात (Exams should be conducted as soon as possible) पण उमेदवारांना अभ्यासासाठी पुरेसा वेळ मिळेल, यादृष्टीने किमान ३० दिवस आधी परीक्षेचे वेळापत्रक जाहीर (Exam schedule announced) करावे, अशी मागणी स्पर्धा परीक्षा समन्वय समितीच्या (Competitive Examination Coordination Committee) वतीने शासनाकडे करण्यात आली आहे. 

ग्रामसेवक, आरोग्य सेवकांच्या परीक्षांना जूननंतरचाच मुहूर्त मिळण्याची शक्यता वर्तवण्यात येत आहे. लोकसभेच्या निवडणुकांचे निकाल ४ जून रोजी हाती,येतील त्यानंतर या प्रक्रियेला वेग येईल. मागील काही महिन्यांपासून भरती प्रक्रिया सुरू आहे. अर्ज भरुन चार महिने लोटले आहेत. पण, परीक्षेची तारीख निश्चित करण्यात आली नाही. त्यामुळे परीक्षा केव्हा घेतली जाणार ? या विचाराने ग्रामसेवक आणि आरोग्य सेवक भरतीची तयारी करणाऱ्या उमेदवारांचा जीव टांगणीला लागला आहे. 

ग्रामसेवक, आरोग्यसेवक पदांच्या हजारो रिक्त जागांसाठी लाखो उमेदवारांनी अर्ज भरले आहेत. चार महिन्यापासून परीक्षेची तारीख जाहीर करण्यात आली नाही. त्यामुळे लाखो विद्यार्थी परीक्षेची वाट पाहत आहेत. ही परीक्षा लवकर घ्याव. मात्र, उमेदवारांना कमीत कमी एक महिना अभ्यासासाठी वेळ मिळेल असा पद्धतींचा परीक्षेचा कार्यक्रम जाहीर करावा, अशी मागणी स्पर्धा परीक्षा समन्वय समितीने शासनाकडे केली आहे.