UGC NET च्या सुधारीत तारखा जाहीर: NTA ने सिटी स्लिप केल्या प्रसिद्ध 

एज्युवार्ता न्युज नेटवर्क 

UGC NET जून 2024 साठी अर्ज केलेल्या उमेदवारांसाठी मोठी बातमी आहे. नॅशनल टेस्टिंग एजन्सीने (NTA) विद्यापीठ अनुदान आयोगाच्या (UGC) राष्ट्रीय पात्रता चाचणीच्या (NET) जून 2024 सत्रासाठी सुधारित तारखा निश्चित केल्या आहेत. ही परीक्षा पुढे ढकलण्याची मागणी करणारी याचिका सर्वोच्च न्यायालयाने (supreme court) फेटाळल्यानंतर हा निर्णय घेण्यात आला आहे. आता ही परीक्षा (exams) येत्या 21 ऑगस्ट ते 4 सप्टेंबर दरम्यान होणार आहे. 

शिक्षण NIRF 2024: सावित्रीबाई फुले पुणे विद्यापीठ NIRF रँकिंगमध्ये देशात तिसऱ्या क्रमांकावर

परीक्षा पुढे ढकलण्याच्या याचिकेवर निर्णय देताना, सर्वोच्च न्यायालयाचे सरन्यायाधीश न्यायमूर्ती डीवाय चंद्रचूड आणि अन्य न्यायमूर्ती त्यात न्यायमूर्ती जे. बी. न्यायमूर्ती पार्डीवाला आणि न्यायमूर्ती मनोज मिश्रा यांच्या खंडपीठाने सांगितले की, "या याचिकेत याचिकाकर्त्यांनी शिक्षण मंत्रालयाला १८ जूनची परीक्षा रद्द करून २१ ऑगस्टपासून पुन्हा घेण्याच्या NTA च्या निर्णयाला आव्हान दिले आहे. या याचिकेमुळे अनिश्चितता निर्माण होईल आणि अराजकता निर्माण होईल." 

तसेच NTA ने परीक्षा सिटी स्लिप जारी केली आहे.  तर दुसरीकडे, NTA ने सोमवारी UGC NET जून 2024 सत्रासाठी अर्ज केलेल्या उमेदवारांना वाटप केलेल्या परीक्षेच्या माहितीसाठी 'सिटी इंटिमेशन स्लिप' जारी केली आहे. सिटी स्लिप जारी करण्यासाठी उमेदवारांना परीक्षा पोर्टल, ugcnet.nta.ac.in ला भेट द्यावी लागेल. यानंतर, उमेदवार होम पेजवर दिलेल्या लिंकवर किंवा संबंधित पेजवर दिलेल्या थेट लिंकवर जाऊ शकतील. या पृष्ठावर, उमेदवार त्यांचा अर्ज क्रमांक आणि जन्मतारीख तपशील भरून आणि सबमिट करून त्यांचे परीक्षा शहर जाणून घेऊ शकतात.