शाळेत वर्तमानपत्र वाचणे बंधनकारक: 'या' सरकारचा मोठा निर्णय
मुख्यमंत्री सुखविंदर सिंग सुख यांनी कुल्लू जिल्ह्यातील वाघा सराहन येथील सरकारी उच्च माध्यमिक शाळेला भेट देऊन विद्यार्थ्यांशी संवाद साधल्यानंतर हा निर्णय घेण्यात आला आहे. यामुळे विद्यार्थ्यांना चालू घडामोडींची ओळख होईल, हा या सरकारचा हेतू आहे.
eduvarta@gmail.com 
एज्युवार्ता न्यूज नेटवर्क
पूर्वीच्या काळी सरकारी शाळांत (In government schools) वर्गाच्या फळ्यावर सुविचार, ठळक बातम्या लिहल्या जात होत्या. मात्र, हल्ली ते सर्व दुर्मिळच पाहायला मिळत. विद्यार्थ्यांना देश आणि जगातील घडामोडींची माहिती मिळायची. परंतु, बदलत्या काळानुसार हे सर्व थांबलं. मात्र आता हिमाचल प्रदेश (Himachal Pradesh) या राज्यातील सरकारी शाळांमध्ये सकाळच्या प्रार्थना सभांमध्ये विद्यार्थ्यांना दैनिक बातम्या वाचणे अनिवार्य (It is mandatory for students to read the daily news during morning prayer meetings in government schools.) असणार आहे. याशिवाय हे देशातील पहिले राज्य होणार आहे जिथे अशा प्रकारे विद्यार्थ्यांना ज्ञान दिले जाणार आहे.
हिमाचल प्रदेश सरकारने पुढाकार घेत राज्याच्या शिक्षण विभागाला सर्व सरकारी शाळांमध्ये विद्यार्थ्यांसाठी सकाळच्या प्रार्थना सभेत बातम्या वाचणे अनिवार्य असल्याचे सुनिश्चित करण्यास सांगितले आहे. मुख्यमंत्री सुखविंदर सिंग सुख यांनी कुल्लू जिल्ह्यातील वाघा सराहन येथील सरकारी उच्च माध्यमिक शाळेला भेट देऊन विद्यार्थ्यांशी संवाद साधल्यानंतर हा निर्णय घेण्यात आला आहे. यामुळे विद्यार्थ्यांना चालू घडामोडींची ओळख होईल, हा या सरकारचा हेतू आहे.
विद्यार्थ्यांशी संवाद साधताना मुख्यमंत्र्यांना, त्यांच्यामध्ये सामान्य ज्ञान कमी असल्याचे आढळले. विद्यार्थ्यांमध्ये शैक्षणिक अभ्यासक्रमासोबतच व्यावहारिक ज्ञान असण्याचे महत्त्व त्यांनी अधोरेखित केले, असे सरकारी प्रवक्त्याने एका अधिकृत निवेदनात म्हटले आहे.
मुख्यमंत्र्यांच्या मते, सध्या स्पर्धेचे युग आहे. अशा यात विद्यार्थ्यांचे धैर्य वाढवण्यासाठी अशा प्रकारचे उपक्रम राबवणे महत्वाचे आहे. यासाठी, शिक्षण विभागाने सविस्तर मार्गदर्शक तत्त्वेही प्रसिद्ध केली आहेत.
इंग्रजी आणि हिंदी दोन्ही वर्तमानपत्रांचे वाचन
सरकारने सर्व शाळा प्रमुखांना त्यांच्या संस्थांमध्ये इंग्रजी आणि हिंदी दोन्ही वर्तमानपत्रांची नियमित उपलब्धता सुनिश्चित करण्याचे निर्देश दिले आहेत. त्याचबरोबर ही संसाधने विद्यार्थ्यांना वाचन आकलन, शब्दसंग्रह आणि उच्चार सुधारण्यास मदत करण्यासाठी तसेच सार्वजनिक ठिकाणी बोलण्यास व संमेलनांमध्ये आत्मविश्वासाने सहभागी होण्यास प्रोत्साहित करण्यासाठी आहेत. हा उपक्रम विद्यार्थ्यांच्या सर्वांगीण विकासाला चालना देणारा आहे.
