पुण्यात महिला सुरक्षितता व शिष्यवृत्ती विषयक कार्यशाळा
राज्याचे उच्च व तंत्रशिक्षण मंत्री चंद्रकांत पाटील यांच्या हस्ते या कार्यशाळेचे उद्घाटन होणार आहे.
eduvarta@gmail.com 
एज्युवार्ता न्यूज नेटवर्क
राज्याच्या उच्च व तंत्रशिक्षण विभागाने राज्यातील उच्चशिक्षण संस्था आणि वसतीगृहांमधील विद्यार्थिनींमध्ये शिक्षणाबरोबरच महिला सुरक्षितता विषयक कायद्यांबाबत जनजागृती करण्यासाठी ‘महिला सुरक्षितता व शिष्यवृत्ती’ (Women's Safety and Scholarship)विषयक कार्यशाळेचे आयोजन केले आहे. येत्या शुक्रवारी (दि.२० सप्टेंबर) सावित्रीबाई फुले पुणे विद्यापीठाने (Savitribai Phule Pune University)पुणे विभागीय कार्यशाळेचे आयोजन केले असून राज्याचे उच्च व तंत्रशिक्षण मंत्री चंद्रकांत पाटील (Higher and Technical Education Minister Chandrakant Patil)यांच्या हस्ते या कार्यशाळेचे उद्घाटन होणार आहे.
विद्यापीठाच्या इरावती कर्वे सामाजिकशास्त्र संकुलामधील नव्या सभागृहामध्ये ही एक दिवसीय कार्यशाळा आयोजित केली आहे. उच्च व तंत्रशिक्षण विभागाचे प्रधान सचिव विकासचंद्र रस्तोगी यांच्या प्रमुख उपस्थितीत होणाऱ्या या कार्यक्रमाद्वारे विशाखा मार्गदर्शक तत्त्वे, कामाच्या ठिकाणी महिला लैंगिक छळ प्रतिबंध कायदा २०१३, विद्यापीठ अनुदान आयोगाची या विषयीची मार्गदर्शक तत्त्वे व महिला सुरक्षेसंदर्भात केलेल्या शिफारसी, महिला वसतिगृहांसाठी सुरक्षा उपाययोजना आदी बाबींविषयी मार्गदर्शन करण्यात येणार आहे.असे विद्यापीठातर्फे कळविण्यात आले आहे.
