FMGE परीक्षा कधी? वैद्यकीय पदवीधर नोंदणीच्या प्रतीक्षेत
परदेशात सर्व निकष पूर्ण करूनही नोंदणी मिळत नाही, त्यामुळे आमचे करिअर थांबले असल्याच्या तक्रारी विद्यार्थ्यांनी केल्या आहेत. काही विद्यार्थ्यांनी या संदर्भात न्यायालयातही धाव घेतली असून, जम्मू-काश्मीरमध्ये अशा विद्यार्थ्यांच्या बाजूने निर्देश देण्यात आले आहेत.
eduvarta@gmail.com 
एज्युवार्त न्यूज नेटवर्क
राज्यातील विद्यार्थी परदेशात शिक्षण घेवून आल्यानंतर घेण्यात येणारी परदेशी वैद्यकीय पदवीधर परीक्षा (Foreign Medical Graduates Examination) नोंदणीसाठी हजारो पदवीधर प्रतीक्षेत (Waiting for Registration) आहेत. त्यामुळे महाराष्ट्र वैद्यकीय परिषदेला (एमएमसी) या नोंदणीस कधी मुहूर्त मिळणार आहे? असा प्रश्न आता या विद्यार्थ्यांना पडला आहे.
परदेशात वैद्यकीय शिक्षण पूर्ण केलेल्या विद्यार्थ्यांना भारतात वैद्यकीय व्यवसाय करण्यासाठी इंटर्नशिप करणे बंधनकारक असते. त्यानुसार विद्यार्थी संबंधित राज्य वैद्यकीय परिषदांकडे अर्ज करतात आणि त्यांना राज्यातील वैद्यकीय महाविद्यालयांमध्ये इंटर्नशिप उपलब्ध करून दिली जाते.
विविध देशांतील अभ्यासक्रम, प्रशिक्षण पद्धती आणि इंटर्नशिपची रचना भिन्न असल्यामुळे प्रत्येक प्रकरण स्वतंत्रपणे तपासावे लागत आहे. सर्व विद्यार्थ्यांनी एनएमसीने निर्धारित केलेली अनिवार्य इंटर्नशिप पूर्ण केलेली नाही. त्यामुळे काहींना भारतात अतिरिक्त एक ते दोन वर्षांची इंटर्नशिप करण्याची अट घालण्यात येत आहे, ज्यामुळे प्रक्रिया अधिकच लांबत आहे. पुन्हा इंटर्नशिप करण्यास सांगितले जात असल्याने विद्यार्थ्यांकडून तीव्र नाराजी व्यक्त केली जात आहे.
परदेशात सर्व निकष पूर्ण करूनही नोंदणी मिळत नाही, त्यामुळे आमचे करिअर थांबले असल्याच्या तक्रारी विद्यार्थ्यांनी केल्या आहेत. काही विद्यार्थ्यांनी या संदर्भात न्यायालयातही धाव घेतली असून, जम्मू-काश्मीरमध्ये अशा विद्यार्थ्यांच्या बाजूने निर्देश देण्यात आले आहेत.
