UGC NET अर्ज दुरुस्ती विंडो ओपन, उमेदवारांना 'या' तारखेपर्यंत करता येणार सुधारणा

एज्युवार्ता न्यूज नेटवर्क 

यूजीसी नेट जून २०२६ (UGC NET June 2026) परीक्षेसाठीची ऑनलाइन अर्ज प्रक्रिया संपली आहे. त्यानंतर आता नॅशनल टेस्टिंग एजन्सीने  (NTA) अर्ज दुरुस्त विंडो ओपन (repair window opened) केली आहे. ही दुरूस्ती विंडो २८ मे रोजी रात्री ११:५० वाजेपर्यंत खुली राहील. ज्या उमेदवारांकडून अर्ज भरताना नकळत काही चुका केल्या आहेत, ते दिलेल्या मुदतीत ugcnet.nta.ac.in या अधिकृत वेबसाइट जाऊन ऑनलाइन पद्धतीने दुरुस्ती करू शकतात.

उमेदवारांना युजीसी नेट अर्जामध्ये जन्मतारीख, प्रवर्ग, आई आणि वडिलांचे नाव, परीक्षा शहराची निवड इत्यादींमध्ये बदल करता येणार आहे. तसेच उमेदवाराचे नाव, लिंग, छायाचित्र, सही, मोबाइल नंबर, ईमेल पत्ता, कायमचा किंवा पत्रव्यवहाराचा पत्ता आणि परीक्षा शहर यामध्ये दुरुस्ती करता येणार नाही, असे एनटीएकडून स्पष्ट करण्यात आले आहे. 

अशी करा अर्जामध्ये दुरुस्ती

युजीसी नेट अर्जामध्ये दुरुस्ती करण्यासाठी, सर्वप्रथम ugcnet.nta.ac.in या अधिकृत वेबसाइटला भेट द्या. वेबसाइटच्या होम पेजवरील 'ताज्या बातम्या' खालील 'दुरुस्ती विंडो' लिंकवर क्लिक करा. आवश्यक तपशील भरून लॉग इन करा. ज्या क्षेत्रांमध्ये दुरुस्ती करायची ते निवडा आणि योग्य माहिती भरा. त्यानंतर अर्ज सबमिट करा, आणि शेवटी अर्जाची प्रिंटआउट काढून ठेवा.

यूजीसी नेट जून सत्राची परीक्षा नॅशनल टेस्टिंग एजन्सीद्वारे २२ जून ते ३० जून २०२६ या कालावधीत घेतली जाणार आहे. ही परीक्षा संगणक आधारित चाचणी पद्धतीने घेतली जाईल. परीक्षेत दोन प्रश्नपत्रिका असतील. पेपर १ मध्ये ५० प्रश्न असतील आणि ते एकूण १०० गुणांचे असतील. पेपर २ मध्ये १०० प्रश्न असतील आणि ते एकूण २०० गुणांचे असतील. उमेदवारांना पेपर पूर्ण करण्यासाठी ३ तासांचा वेळ दिला जाणार असल्याची माहिती आहे.