UGC NET 2023 : परीक्षेच्या तारखा जाहीर, अर्ज भरण्यास सुरूवात
पात्र विद्यार्थ्यांना एनटीएच्या ugcnet.nta.nic.in या संकेतस्थळावर ऑनलाईन अर्ज भरता येतील. अर्ज भरण्यासाठी ३१ मे रोजी सायंकाळी पाच वाजेपर्यंत मुदत देण्यात आली आहे.
eduvarta@gmail.com 
एज्युवार्ता न्यूज नेटवर्क
नॅशनल टेस्टिंग एजन्सी (NTA) कडून युजीसी नेट (UGC NET 2023) परिक्षेसाठी ऑनलाईन नोंदणी सुरू करण्यात आली आहे. नोंदणी अर्ज भरण्यास बुधवारपासून सुरूवात झाली आहे. जून सत्रातील परीक्षा १३ ते २२ जून दरम्यान होणार असल्याचे स्पष्ट करण्यात आले आहे.
विद्यापीठ अनुदान आयोगाचे अध्यक्ष एम. जगदीश कुमार (M Jagdish Kumar) यांनी ही माहिती दिली. पात्र विद्यार्थ्यांना एनटीएच्या ugcnet.nta.nic.in या संकेतस्थळावर ऑनलाईन अर्ज भरता येतील. अर्ज भरण्यासाठी ३१ मे रोजी सायंकाळी पाच वाजेपर्यंत मुदत देण्यात आली आहे. ज्युनिअर रिसर्च फेलोशिप (JRF) आणि सहायक प्राध्यापक (Assistant professor) पदासाठी पात्र होण्यासाठी एनटीएकडून ही परीक्षा घेतली जाणार आहे. ही परीक्षा संगणक आधारीत असून एकूण ८३ विषयांसाठी घेतली जाईल.
हेही वाचा : बार्टी, सारथी, महाज्योतीमध्ये मिळणार शैक्षणिक योजनांना समान लाभ
देशभरातील विद्यापीठे व महाविद्यालयांमध्ये सहायक प्राध्यापक पात्र ठरण्यासाठी ही परीक्षा उत्तीर्ण असणे बंधनकारक आहे. ऑनलाईन अर्ज भरताना आवश्यक कागदपत्रे अपलोड करावी लागणार आहेत. तसेच ऑनलाईन पध्दतीने शुल्क भरता येईल. खुल्या प्रवर्गासाठी १ हजार १००, आर्थिकदृष्ट्या मागास, ओबीसीसाठी ६०० रुपये आणि एससी, एसटी, पीडब्ल्युडी आणि तृतीयपंथियांसाठी ३२५ रुपये शुल्क आहे.
परीक्षेसाठी अशी करा नोंदणी –
- एनटीएच्या अधिकृत संकेतस्थळावर जा
- होमपेजवरील नोदणी लिंकवर क्लिक करा
- नोंदणी करून अर्ज भरा
- आवश्यक कागदपत्रे अपलोड करून अर्जाचे शुल्क भरा
- भरलेला अर्ज डाऊनलोड करा आणि त्याची प्रिंट घ्या.
शैक्षणिक बातम्यांचे अपडेट मिळविण्यासाठी व्हॉट्सअप ग्रुपमध्ये सहभागी व्हा.
