राज्यातील औद्योगिक प्रशिक्षण संस्थांमध्ये दोन नव्या अभ्यासक्रमाची भर

एज्युवार्ता न्यूज नेटवर्क 

औद्योगिक प्रशिक्षण संस्थेमध्ये (Industrial Training Institute) शिक्षण घेण्यासाठी इच्छुक असलेल्या विद्यार्थ्यांसाठी महत्त्वाची बातमी समोर आली आहे. राज्यातील एकूण ७० शासकीय (Total 70 government institutions) औद्योगिक प्रशिक्षण संस्थांमध्ये सोलार टेक्निशियन (इलेक्ट्रिक), ईव्ही मेकॅनिक (इलेक्ट्रिक व्हेइकल) हे नवीन अभ्यासक्रम (Solar Technician, EV Mechanic New Courses) शिकवण्यात येणार असल्याची घोषणा केली आहे. त्यामुळे पुढील काळात औद्योगिक प्रशिक्षण संस्थांमध्ये दोन नव्या अभ्यासक्रमाची भर पडणार आहे.

शालार्थ आयडी घोटाळ्यात तीन शिक्षकांना अटक; १०० कोटी रुपयांची फसवूणक केल्याचा ठपका

पर्यावरण संवर्धनावर आधारित योजना राबविण्यावर राज्य शासनाचा भर असून राज्यात सौर ऊर्जाशी निगडित तंत्रज्ञानांची व सोलार टेक्निशियन तसेच मेकॅनिक इलेक्ट्रिक व्हेइकलची गरज लक्षात घेऊन या क्षेत्रातील टेक्निशियनची मागणी वाढणार असल्याचे संकेत देण्यात आले आहेत. त्या अनुषंगाने दोन नवीन अभ्यासक्रमांची मागणी व्यवसाय शिक्षण प्रशिक्षण संचालनालयाने केंद्रीय कौशल्य विकास आणि उद्योजकता विभागाच्या प्रशिक्षण महासंचालक यांच्याकडे केली आहे, अशी माहिती कौशल्य, रोजगार, उद्योजकता व नावीन्यता मंत्री मंगल प्रभात लोढा यांनी दिली आहे.

ज्येष्ठ शास्त्रज्ञ डॉ. रघुनाथ माशेलकर आणि मित्राचे मुख्य कार्यकारी अधिकारी प्रवीण परदेशी यांच्या सूचना व सल्ल्याने औद्योगिक प्रशिक्षण संस्थांमध्ये काळानुरूप अभ्यासक्रम सुरू करण्यात येत आहे. सध्या राज्यातील ७० औद्योगिक प्रशिक्षण संस्थांमध्ये हा अभ्यासक्रम शिकविण्यात येणार आहे. ज्या औद्योगिक प्रशिक्षण संस्थांमध्ये नवीन अभ्यासक्रमांची मागणी करतील त्यांना मंजूरी देण्यासाठी कार्यवाही करण्यात येईल, असेही मंत्री लोढा यांनी सांगितले.