तृतीयपंथी हत्या प्रकरणी, तीन महाविद्यालयीन तरुणांना अटक

एज्युवार्ता न्यूज नेटवर्क 

सोलापूरात (Solapur Crime News) एका तृतीयपंथी याची हत्या (Murder of transgender person) केल्याने राज्यात खळबळ उडाली आहे. विशेष म्हणजे या हत्या प्रकरणात एका इंजिनिअरिंग विद्यार्थ्याचा समावेश (Engineering student involved in murder case) असल्याचे उघड झाले तर अन्य दोन महाविद्यालयीन तरुण आहेत. या प्रकरणी सोलापूर पोलिसांनी हत्येच्या काही तासांत आरोपांना अटक (Accused arrested) केली आहे. अय्युब सय्यद असे या तृतियपंथी मृताचे नाव आहे.

तृतीयपंथी अय्युब सय्यद हा सोलापूर महापालिका निवडणूकीसाठी इच्छुक होता. मात्र, त्यापूर्वीच त्याची हत्या करण्यात आली. त्यामुळे सोलापूर जिल्ह्यात खळळ उडाली आहे. अय्युबचे मारेकरी हे विद्यार्थी आहेत. त्यातील एक आरोपी हा इंजिनिअरिंगचा विद्यार्थी आहे तर इतर दोन तरूण देखील महाविद्यालयीन शिक्षण घेत असल्याचे समोर आले आहे. तिन्ही आरोपींना पोलिसांनी अटक केली आहे. प्रकरणाचा सोलापूर पोलीस कसून तपास करत आहेत.

अय्युब हा श्रीमंत असल्याचे आणि त्याच्याकडे असलेल्या पैशामुळे जवळच्या मित्रांनीच त्याची हत्या केल्याचे समोर आले आहे. त्याच्या अंगावरील सोने, रोकडं, मोबाईल, गाडी घेऊन आरोपी फरार झाले होते. त्यांनी चोरीच्या उद्देश्याने तृतीयपंथी अय्युबची हत्या केल्याचे पोलिसांच्या प्राथमिक तपासात उघड झाले आहे. या प्रकरणात यशराज कांबळे, आफताब शेख, वैभव पनगुले अशी ताब्यात घेतलेल्या आरोपींची नावे आहेत. हत्येनंतर अवघ्या 6 तासात पोलिसांनी गुन्हा उघडकीस आणत आरोपींच्या मुसक्या आवळल्या आहेत.

आरोपी वैभव पनगुले हा इंजिनीअरिंगचे शिक्षण घेत आहे. शुक्रवारी रात्री आरोपी यशराज कांबळे अय्युब सय्यद सोबत त्याच्या घरी आला होता. त्यानंतर काही वेळाने आरोपी आफताब शेख आणि वैभव पनगुले हे देखील अय्युबच्या घरात दाखल झाले. काही वेळाने तिन्ही आरोपींनी उशीने तोंड दाबून अय्युब सय्यद याची हत्या केली. त्याच्याजवळ असलेले दागिने, रोकड आणि गाडी घेऊन ते पसार झाले. सोलापूर पोलिसांच्या गुन्हे शाखेने या तिन्ही आरोपींच्या मुसक्या आवळल्या असून पुढील तपास सुरु आहे.