महिला पीएचडी गाईडने मागितली विद्यार्थ्यांकडून 10 हजारांची लाच; मुलाला सापळा रचून पकडले

एज्युवार्ता न्यूज नेटवर्क 

डॉ. बाबासाहेब आंबेडकर मराठवाडा विद्यापीठात (Dr. Babasaheb Ambedkar Marathwada University)पीएचडी करणाऱ्या विद्यार्थ्यांकडून (PhD student) त्यांच्याच पीएचडी गाईडने (Phd guide)लाच घेतल्याची धक्काडायक माहिती समोर आली आहे.पीएच.डी प्रोग्रेसिव्ह रिपोर्टवर स्वाक्षरी (Signing the Ph.D Progress Report) करण्यासाठी महिला प्राध्यापिकेने 10 हजार रुपयांची लाच (10 thousand rupees bribe by female professor)मागीतल्याचे समोर आल्याने विद्यापीठात एकाच खळबळ उडाली आहे.या प्रकरणी पोलिसांनी आरोपी गाईडच्या मुलाला सापळा रचून पकडले आहे.विशेष म्हणजे 2 लाख 67 हजार रुपेये पगार असताना महिला प्राध्यापिकेने लाच घेतल्याने आश्चर्य व्यक्त केले जात आहे.  

विद्यापीठाशी संलग्न डॉ.रफिक झकेरिया विमेन्स कॉलेजमध्ये ग्रंथपाल म्हणून कार्यरत असलेल्या डॉ. एराज सिद्दीकी असे लाच मागणाऱ्या पीएचडी गाइडचे नाव आहे.ग्रंथालय परिचारक शेख उमर शेख गणी (वय ५२), ईआरएस रिसर्च अँड टेक्नोलॉजी प्रा. लि. सहायक संचालक डॉ. सिद्दीकी मो. फैसोद्दीन ऊर्फ समीर मो. रियाजुद्दिन (वय ३६) आणि ईआरएस रिसर्च अँड टेक्नोलॉजी प्रा. लि. संचालक सिद्दीकी फराज मो. रियाजुद्दिन (वय ३१) या तिघांनी संशोधक विद्यार्थ्याकडून ५० हजाराची लाच घेतली. या प्रकरणी बेगमपुरा पोलिस ठाण्यात गुन्हा दाखल करण्यात आला आहे. 

शिक्षण बदलापूर पेटले : 3 वर्षांच्या शाळेतील मुलींवर अत्याचार, वाहतूक ठप्प ; पोलिसांचा लाठीचार्ज, नागरिकांची दगडफेक

लाचलुचपत प्रतिबंध विभागाकडून देण्यात आलेल्या माहितीनुसार,तक्रारदार विद्यार्थी डॉ. बाबासाहेब आंबेडकर मराठवाडा विद्यापीठ छत्रपती संभाजीनगर येथे 'ग्रंथालय व माहितीशास्त्र' या विषयामध्ये पीएचडी करत आहे. विद्यार्थ्याला विद्यापीठाकडून संशोधनासाठी संशोधक मार्गदर्शक म्हणून डॉ. एराज सिद्दीकी यांची नियुक्ती करण्यात आली आहे.डॉ. सिद्दीकी यांचा मुलगा डॉ. सिद्दीकी मो. फैसोद्दीन याने विद्यार्थ्याला पीएचडीसाठी आवश्यक कागदपत्रांवर स्वाक्षरी करण्यासाठी दरमहा दहा हजार रुपये प्रमाणे एकूण पाच लाख रुपयांची मागणी केली.त्यातील ५० हजार रुपये अॅडव्हान्स घेताना सिद्दीकी मो. फैसोद्दीन ऊर्फ समीरला गाईडच्या मुलाला पोलिसांनी पकडे आले. 
 . तक्रारदार विद्यार्थ्याला महात्मा ज्योतिबा फुले संशोधन व प्रशिक्षण संस्था, (महाज्योती) कडून (फेलोशिप) म्हणून दरमहा ५० हजार ४०० रुपये फेलोशीप मिळते. ही फेलोशिप मिळण्यासाठी तक्रारदाराला प्रोग्रेस रिपोर्ट, स्वयं घोषणापत्र, हजेरी पत्रक, एचआरए प्रमाणपत्र, तिमाही सहामाही प्रोग्रेस रिपोर्ट यावर पीएचडी गाइडची स्वाक्षरी  घेऊन कागदपत्रे सादर करावी लागतात. या कागदपत्रांवर सह्या करण्यासाठी आणि हा अहवाल सकारात्मक देण्यासाठी डॉ. सिद्दीकी यांनी तक्रारदाराकडे दरमहा दहा हजार रुपयांची मागणी केली होती. याशिवाय डॉ. सिद्धीकी यांच्या कार्यालयात काम करणाऱ्या ग्रंथालय परिचारक शेख उमर शेख गणी यांने पीएचडी गाईड यांची सही घेऊन देण्यासाठी २५ हजार रुपये लाचेची मागणी केली होती, अशी तक्रार विद्यार्थ्याने केली आहे.

-------