उत्तरपत्रिकेत कामसूत्रच्या कथा आणि प्राध्यापकांना शिव्या ; विद्यार्थ्यांवर गुन्हा दाखल

एज्युवार्ता न्यूज नेटवर्क 

काही महाविद्यालयीन विद्यार्थी उत्तर पत्रिकेत चित्रपटाच्या कथा (film story) लिहितात, असे किस्से ऐकले असतील, पण उत्तरपत्रिकेत (answer sheet)आपल्या मित्र-मैत्रिणींच्या प्रेम कथा, कामसूत्र कथा (Love story of friends, Kama Sutra story) शिक्षक- प्राध्यपकांना शिव्या लिहिण्याचा गंभीर प्रकार गुजरात विद्यापीठात घडल्याचे समोर आले आहे. वीर नर्मद दक्षिण गुजरात विद्यापीठात (Veer Narmad South Gujarat University) घडलेल्या या प्रकरणात परीक्षेत विचारलेल्या प्रश्नांच्या उत्तरात अपशब्द वापरणाऱ्या सहा विद्यार्थ्यांवर तर गुन्हा दाखल (Crime registered against students) करण्यात आला आहे.

हेही वाचा : स्पर्धा परीक्षेची प्रश्नपत्रिका लीक केल्यास १० कोटी रूपये दंड ; जन्मठेपेपर्यंत शिक्षेची तरतूद

विद्यार्थ्यांना परीक्षेत शून्य गुण देण्याबरोबरच पेपरमध्ये अपशब्द वापरणाऱ्या सर्व विद्यार्थ्यांना ५०० रुपयांचा दंड ठोठावण्यात आला आहे. ६ विद्यार्थ्यांपैकी एका विद्यार्थ्याने नॉर्थच्या कामसूत्राची कथा तर दुसऱ्या विद्यार्थ्याने सहकारी विद्यार्थ्याची प्रेमकथा लिहिली आहे. विद्यापीठाने ५० विद्यार्थ्यांची सुनावणी आयोजित केली होती, ज्यामध्ये विद्यार्थ्यांनी आपली चूक मान्य करत विद्यापीठाची लेखी माफी मागितली.

 वीर नर्मद दक्षिण गुजरात विद्यापीठाचे कुलगुरू किशोर सिंह चावडा म्हणाले , " या विद्यार्थ्यांची मानसिक प्रकृती ठीक नसल्याने वैद्यकीय विद्याशाखेच्या प्राध्यापकांच्या उपस्थितीत सुनावणी घेण्यात आली. त्यात ते निरोगी आढळले. आम्ही त्यांना लेखी माफी मागण्याची संधी दिली. याशिवाय अशा प्रकरणांच्या शिक्षेतही सुधारणा करण्यात आली आहे, अशा घटना आटोक्यात आणण्यासाठी  आता कोणत्याही विद्यार्थ्याने असभ्य भाषा लिहिल्यास त्याला १ हजार  रुपयांचा दंड ठोठावण्यात येणार आहे. तसेच त्याला मानसोपचार तज्ज्ञाकडून  मानसिक आरोग्याचे प्रमाणपत्र सादर करावे लागणार आहे. हे प्रमाणपत्र परीक्षा विभागाकडे जमा केल्यास त्यांना पुढील परीक्षेचा अर्ज  भरता येईल."