SPPU:परकीय भाषांचा अर्धवेळ अभ्यासक्रम जाहीर; वाचा सविस्तर
विद्यार्थ्यांना सावित्रीबाई फुले पुणे विद्यापीठाच्या https://campus.unipune.ac.in/ccep/login.aspx या अधिकृत वेबसाईटवर विलंब शुल्क न भरता ५ नोव्हेंबर ते ५ डिसेंबर २०२४ पर्यंत अर्ज करता येणार आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठातील (Savitribai Phule Pune University) परकीय भाषा विभागामार्फत (Department of Foreign Languages) परकीय भाषांचा अर्धवेळ अभ्यासक्रम (Part time course) जाहीर करण्यात आला आहे. यामध्ये दोन स्तरांचा (two level) समावेश करण्यात आला आहे. ज्यामध्ये प्रथम स्तरात सर्टिफिकेट अभ्यासक्रम (Certificate Courses) आहे. यामध्ये फ्रेंच, जर्मन, जपानी, व स्पॅनिश (French, German, Japanese, and Spanish language) या भाषा शिकवल्या जाणार आहेत तर दुसऱ्या स्तरातील डिप्लोमा कोर्समध्ये (Diploma Course) फ्रेंच व जर्मन या दोन भाषा शिकवल्या जातील. या अभ्यासक्रमाचा ६ जानेवारी २०२५ ते ९ मे २०२५ असा साडेचार महिन्यांचा कालावधी असणार आहे. या अभ्यासक्रमाची परीक्षा (exams) मे महिन्यात होणार असून विद्यार्थ्यांना परीक्षेसाठी परीक्षा केंद्रावरच यावे लागणार आहे.
विद्यार्थ्यांना सावित्रीबाई फुले पुणे विद्यापीठाच्या https://campus.unipune.ac.in/ccep/login.aspx या अधिकृत वेबसाईटवर विलंब शुल्क न भरता ५ नोव्हेंबर ते ५ डिसेंबर २०२४ पर्यंत अर्ज करता येणार आहे. तर विलंब शुल्कासह १५ डिसेंबर २०२४ पर्यंत अर्ज स्वीकारले जाणार आहेत. तसेच पहिली गुणवत्ता यादी २० डिसेंबरला जाहीर होणार असून विद्यार्थ्यांना २५ डिसेंबरपर्यंत प्रवेश निश्चित करावा लागणार आहे. दुसरी गुणवत्ता यादी २७ डिसेंबरला जाहीर होईल या यादीतील विद्यार्थ्यांना ३० डिसेंबरपर्यंत प्रवेश घ्यावा लागेल तर आवश्यक असल्यास तिसरी गुणवत्ता यादी २ जानेवारी २०२५ रोजी जाहीर केली जाणार असून ४ जानेवारी २०२५ पर्यंत विद्यार्थ्यांना शैक्षणिक व इतर शुल्क भरून आपला प्रवेश निश्चित करावा लागणार आहे. प्रत्येक अभ्यासक्रमातील खुल्या गटातील विद्यार्थ्यांना ६०० रुपये प्रवेश शुल्क असणार आहे तर आरक्षित गटातील विद्यार्थ्यांसाठी ४०० रुपये प्रवेश शुल्क असणार आहे.
दरम्यान, प्रथम स्तरातील फ्रेंच, जर्मन, जपानी, व स्पॅनिश या भाषेसाठी कोणत्याही राज्य सरकारी / केंद्रीय परीक्षा मंडळाची इयत्ता दहावीची परीक्षा उत्तीर्ण असणे आवश्यक असणार आहे. तर दुसऱ्या स्तरासाठी शैक्षणिक अर्हता वेगवेगळी असणार आहे. अधिक माहितीसाठी विद्यार्थ्यांनी सावित्रीबाई फुले पुणे विद्यापीठाच्या अधिकृत वेबसाईटला भेट द्यावी.
