मित्राच्या वाढदिवस पार्टीवरून परतताना 4 विद्यार्थ्यांचा अपघाती मृत्यू 

एज्युवार्ता न्यूज नेटवर्क 

तेलंगणाच्या रंगा रेड्डी जिल्ह्यातील (Rangareddy district of Telangana) चेवेल्ला परिसरात बुधवारी रात्री उशिरा एका भरधाव कारची दुभाजकावर धडक झाली. या अपघातात आयसीएफएआय बिझनेस स्कूलचे (ICFAI Business School) चार विद्यार्थ्यांचा मृत्यू  ठार (Four students killed in a car accident) झाला आहे. एका विद्यार्थ्याला दुखापत झाली असून त्याची प्रकृती गंभीर आहे. मित्राच्या वाढदिवसाच्या पार्टीवरुन हे विद्यार्थी परतत असताना ही घटना घडली आहे. 

पोलिसांनी दिलेल्या माहितीनुसार, कार दुभाजकावर आदळली आणि नंतर झाडावर आदळली. पोलिसांनी सांगितलं की, मोकिला पोलीस स्टेशन परिसरात पहाटे 1:30 च्या सुमारास हा अपघात झाला. विद्यार्थी मित्राच्या वाढदिवसाच्या पार्टीवरुन परतत होते. अतिवेगामुळं चालकाचा गाडीवरील नियंत्रण सुटलं आणि हा अपघात घडला. सर्व मृत आणि जखमींची ओळख पटली आहे. मृतांमध्ये करग्याला सुमित (20), निखिल (20), देवाला सूर्या तेजा (20) आणि बालमुरी रोहित (18) यांचा समावेश आहे.  18 ते 21 वयोगटातील पाच विद्यार्थी कारमध्ये होते. जखमी विद्यार्थ्याचं नाव शुंकारी नक्षत्र आहे. जखमी विद्यार्थ्याला तात्काळ रुग्णालयात दाखल करण्यात आले आणि त्याच्यावर उपचार सुरू आहेत.

पोलिसांच्या मते, विद्यार्थी चेवेल्लाहून हैदराबादला जात असताना अतिवेगामुळं हा अपघात झाला. मोकिला पोलिसांनी गुन्हा दाखल करुन तपास सुरु केला आहे. अपघाताचं कारण शोधण्यासाठी पोलिसांनी तपास सुरु केला आहे. सुरुवातीच्या तपासात असं दिसून आलं आहे की कार जास्त वेगानं जात होती. मिर्झागुडा गेटजवळील एका वळणावर चालकाचं नियंत्रण सुटलं आणि कार डिव्हायडरला धडकली आणि थेट डिव्हायडरला धडकली. पोलिसांनी मृतदेह शवविच्छेदनासाठी पाठवले आहेत आणि कुटुंबियांना माहिती दिली आहे. या घटनेनंतर कॉलेज कॅम्पस आणि विद्यार्थ्यांच्या कुटुंबियांवर शोककळा पसरली आहे.