टपाल विभागाच्या GDS पदांसाठी भरतीचे निकाल जाहीर
निकाल पाहण्यासाठी indiapostgdsonline.gov.in या अधिकृत वेबसाइटला भेट द्या.
eduvarta@gmail.com 
एज्युवार्ता न्युज नेटवर्क
पोस्टल विभागात GDS भरतीसाठी (GDS Recruitment) अर्ज केलेल्या उमेदवारांसाठी मोठी बातमी आहे. भारतीय टपाल विभागाने विविध मंडळांमध्ये ग्रामीण डाक सेवक (GDS) पदांसाठी भरतीचे निकाल (Result) जाहीर केले आहेत. विभागातर्फे विविध मंडळांसाठी जाहीर झालेल्या रिक्त जागांसाठी निवडलेल्या उमेदवारांची गुणवत्ता यादी प्रसिद्ध करण्यात आली आहे. टपाल विभागाने indiapostgdsonline.gov.in या अधिकृत वेबसाइटवर वेगवेगळ्या मंडळांची यादी पाहण्यासाठी वेगवेगळ्या लिंक्स सक्रिय केल्या आहेत.
भारतीय टपाल विभागाने विविध मंडळांसाठी यशस्वी घोषित केलेल्या उमेदवारांना पुढील टप्प्यात कागदपत्र पडताळणीसाठी बोलावले जाईल. यासंदर्भातील माहिती टपाल विभागाकडून उमेदवारांना त्यांच्या मंडळ कार्यालयामार्फत देण्यात येईल. तथापि, उमेदवारांनी डिपार्टमेंट ऑफ पोस्ट्स जीडीएस रिक्रूटमेंट पोर्टलवर प्रकाशित केलेल्या माहितीवर देखील लक्ष ठेवावे, अशी सूचना विभागाने केली आहे.
निकाल पाहण्यासाठी प्रथम indiapostgdsonline.gov.in या अधिकृत वेबसाइटला भेट द्या. नंतर मुख्यपृष्ठावरच दिलेल्या संबंधित लिंकवर क्लिक करून, उमेदवार वेगवेगळ्या मंडळांच्या लिंक्स असलेल्या पृष्ठावर पोहोचू शकतात. या पृष्ठावर, उमेदवारांना त्यांच्या संबंधित मंडळाच्या लिंकवर क्लिक करावे लागेल. नंतर या यादीमध्ये उमेदवार त्यांचा नोंदणी क्रमांक तपासू शकतील.
