भरतीतील पेपरफुटी : या पाच उपाययोजना टोळ्यांना करतील हद्दपार; समन्वय समितीचे सचिवांना पत्र

एज्युवार्ता न्यूज नेटवर्क

सरळसेवा वर्ग तीन व वर्ग चार नोकर भरतीतील (Recruitment) पेपरफुटीच्या (Paper Leak) अनुषंगाने स्पर्धा परीक्षा समन्वय समितीने (Competitive Examination Coordinating Committe) राज्य शासनाला पाच महत्वाच्या उपायोजना सुचविल्या आहेत. या उपाययोजना केल्यास सर्व परीक्षा (Competitive Examination) सुरळीतपणे पार पडतील, असा समितीचा दावा आहे. याबाबतचा शासन आदेश काढून तो नोकरभरती करणाऱ्या सर्व विभागांना बंधनकारक करण्याची मागणी समितीने केली आहे. (MPSC Examination Paper Leak)

समितीचे अध्यक्ष राहुल कवठेकर यांच्यासह इतर पदाधिकाऱ्यांनी सामान्य प्रशासन विभागाच्या सचिवांना याबाबत निवेदन दिले आहे. राज्यातील सरळसेवा पदभरतीसाठी दि. २९ नोहेंबर २०१२ रोजी आपल्या विभागामार्फत TCS आणि IBPS या निवड करण्याबाबतचा शासन निर्णय प्रसिद्ध करण्यात आला होता. या निर्णयाचे संघटनेमार्फत स्वागत करण्यात आले होते. परंतु, या शासन निर्णयात नमूद मोबाईल जॅमर बायोमेट्रीक, सीसीटीव्ही रेकॉर्डिंग आणि उमेदवारांची योग्यरीत्या फ्रिस्किंग होत नसल्याचे समोर आले आहे. याचा फायदा घेत काही दलाल/ टोळ्यांमार्फत सरळसेवा पदभरतीचे पेपर फोडण्यात येत आहेत, असे समितीकडून पत्रात नमूद करण्यात आले आहे.

मुले आठवी, नववीत आणि आई २० वर्षांनंतर दहावी पास !

समितीने संभाजीनगर, जालना आणि बीड या तीन जिल्ह्यांत हाय टेक टोळ्या कार्यरत अशल्याचा दावा केला आहे. मराठवाडयातील या तीन जिल्ह्यात हाय-टेक उपकरणे वापरून पेपर फोडणाऱ्या अनेक टोळ्या आहेत, त्या भागातील अगदी संपूर्ण खेडी गावे या गैरप्रकारात सामील आहेत. यापूर्वी अनेक परीक्षांमध्ये गैरप्रकार समोर आले आहेत. नुकतेच आम्ही मुंबई पोलीस भरतीचा पेपर या टोळीमार्फत फोडण्यात आल्याचे समोर आल्याचे सांगत समितीने काही उपाययोजना सुचविल्या आहेत.  

खासगी परीक्षा केंद्रे नको

TCS/IBPS संस्थांची परीक्षा केंद्रे प्रत्येक जिल्ह्यात उपलब्ध नसल्याचे कारण देत यापुढे खासगी महाविद्यालये, सायबर/आयटी सेंटर्स परीक्षा केंद्र म्हणून देण्याच्या बातम्या मंत्रालयातून समोर आल्या होत्या. परंतु ही खासगी परीक्षा केंद्रे मॅनेज होत असल्याचे स्पर्धा परीक्षा समन्वय समितीने समोर आणले होते. त्यामुळे हा निर्णय मागे घेण्यात यावा व यापुढे खासगी परीक्षा केंद्रे देण्यात येऊ नये.

दहावीच्या निकालाच्या अपडेट्स पाहा : https://www.youtube.com/shorts/Fp-VgTC7ty0

फक्त TCS ION परीक्षा केंद्रे असावी

TCS या संस्थेची अधिकृत TCS ION परीक्षा केंद्रे आहेत, ही सेंटर्स सुसज्ज अशी असून याठिकाणचा स्टाफ उच्च प्रशिक्षित आहे. उमेदवारांची फ्रिस्कींग स्टाफद्वारे योग्यरीत्या केली जाते, सर्व केंद्रांवर सीसीटीव्ही उपलब्ध आणि इतर सोयी सुविधा उपलब्ध आहेत.

परीक्षा केंद्रांवर मोबाइल जॅमर बंधनकारक करण्यात यावे

या टोळ्या प्रश्नपत्रिका फोन इंटरनेटद्वारे केंद्राबाहेर पाठवतात, मोबाईल जॅमर बंधनकारक केल्यास आपणास या टोळ्यांचे कम्युनिकेशन करण्यात यश येईल. परीक्षा केंद्रे तसेच त्या बाहेरील किमान २०० ते ५०० मीटर अंतरापर्यंत मोबाईल जॅमर कार्यान्वित करण्यात यावेत.

SSC Result Update : दहावीच्या निकालाचा चार वर्षांचा नीचांक; ही आहेत कारणे

उमेदवारांच्या अंग तपासणी/फ्रिस्किंगसाठी विशेष नियमावली असावी

गैरप्रकार करणारे उमेदवार, इंटरनेट द्वारे चालणारे स्मार्ट कार्ड,  ब्लूटूथ आणि बटण कॅमेरा ही हाय-टेक उपकरणे, चप्पल, बुट, पेन, बॉटल, घड्याळ आणि शर्टात लपवून केंद्राच्या आत घेऊन  जात असल्याचे समोर आले आहे. खासगी परीक्षा केंद्रांवर उमेदवारांची चोख अंग तपासणी होत नसल्याने ही उपकरणे सहजरीत्या परीक्षा केंद्राच्या आत नेली जात आहेत. त्यामुळे परीक्षा घेणाऱ्या संस्थेला अंग तपासणीबाबत विशेष सूचना देण्यात याव्यात. तसेच महाराष्ट्र पोलीस विभागाचा बंदोबस्त लावून त्यांच्या मार्फतही उमेदवारांची अंग तपासणी करण्यात यावी.

बायोमेट्रिक आणि सीसीटीव्ही

परीक्षेआधी आणि परीक्षा संपल्यानंतर प्रत्येक उमेदवाराचे थंब, आयरिस स्कॅन आणि फोटो, ई बायोमेट्रिक घेण्यात यावे. परीक्षेदरम्यान सर्व उमेदवारांचे सीसीटीव्ही घेण्यात यावे व ते फुटेज जतन करण्यात यावे. निवड झालेल्या प्रत्येक उमेदवाराचे बायोमेट्रिक क्रॉसचेक करण्यात यावे व सदर उमेदवाराचे परीक्षेदरम्यानचे सीसीटीव्ही फुटेज तपासून तोच उमेदवार आहे किंवा नाही तसेच उमेदवाराचे परीक्षेदरम्यानचे वर्तन बघूनच अंतिम नियुक्ती देण्यात यावी.