रत्नागिरी वैद्यकीय महाविद्यालयाच्या इमारतीचा मार्ग मोकळा, ६५० कोटींच्या कामाला मंजूरी 

एज्युवार्ता न्यूज नेटवर्क 

रत्नागिरी शासकीय वैद्यकीय महाविद्यालयाच्या (Ratnagiri Government Medical College) इमारतीचा मार्ग आता मोकळा झाल्या आहे. एमआयडीसीकडून चंपक मैदान येथील २० एकर जागा ९९ वर्षाच्या करारावर (20 acres of land on a 99-year lease) घेण्यात आली आहे. त्यामुळे पुढील चार वर्षात शासकीय वैद्यकीय महाविद्यालयाची टोलेजंग इमारत उभा राहणार (The college building will be erected) आहे. त्यासाठी जेआयसीएच्या माध्यमातून ६५० कोटी रुपये निधी मंजूर (Rs 650 crore approved) करण्यात आला आहे. इमारतीच्या बांधकामाला पावसाळ्यानंतर सुरुवात होणार आहे. 

राष्ट्रीय आयुर्विज्ञान परिषदेच्या मान्यतेने सुमारे चार वर्षांपूर्वी जिल्ह्यासाठी शासकीय वैद्यकीय शासकीय महाविद्यालय मंजूर झाले. जागा उपलब्ध नसल्याने महाविद्यालयाच्या प्रत्यक्ष कामकाजाला विलंब झाला. दोन वर्षांपूर्वी महिला रुग्णालयाच्या इमारतीत हे महाविद्यालय सुरू झाले आहे. राष्ट्रीय आयुर्विज्ञान परिषदेच्या नियमानुसार शासकीय वैद्यकीय महाविद्यालयाच्या इमारतींसाठी २० एकर जागा आवश्यक होती. शहरानजीक एवढ्या मोठ्या प्रमाणात शासकीय जमीन उपलब्ध नव्हती. त्यामुळे नव्या इमारतीचे बांधकाम रखडले होते.

राज्यात प्रथमच एमआयडीसीच्या जागेत शासकीय वैद्यकीय महाविद्यालय उभारण्याचा निर्णय उद्योग विभागाने घेतला. त्यानुसार २० एकर जागा ९९ वर्षे कराराने नाममात्र दरात शासकीय वैद्यकीय महाविद्यालयाला देण्यात आली आहे. याबाबतचा लेखी करार पूर्ण झाला असून, जागेचा ताबा वैद्यकीय महाविद्यालयाला देण्यात आला आहे.

त्यामुळे या जागेवर राज्य सरकार व जेआयसीए संस्थेमार्फत सुसज्ज इमारत उभी राहणार आहे. यात वैद्यकीय महाविद्यालयाच्या एकूण २५ विभागांचे कामकाज या इमारतीत चालेल. रुग्णालय, वैद्यकीय महाविद्यालय, विद्याथ-विद्यार्थिनी हॉस्टेल, नर्सिंग महाविद्यालय, अधिष्ठाता, प्राध्यापक निवासस्थाने, सुसज्ज ग्रंथालय, कर्मचारी वाहन पार्किंग यासाठी आवश्यक इमारतींचा समावेश असेल.