MPSC ; पशुसंवर्धन विभागांतर्गत सहाय्यक आयुक्त पदांसाठी भरती जाहीर 

जर तुम्ही पशुवैद्यकीय शास्त्रात पदवी घेतली असेल आणि सरकारी नोकरीचे स्वप्न पाहत असाल तर ही बातमी तुमच्यासाठी आहे. महाराष्ट्र लोकसेवा आयोगाने (Maharashtra Public Service Commission) (MPSC) पशुसंवर्धन विभागांतर्गत सहाय्यक आयुक्त (Assistant Commissioner under Animal Husbandry Department) (पशुसंवर्धन गट-अ) च्या ३११ पदांसाठी भरतीसाठी अर्ज मागवले आहेत. (Applications are invited for recruitment)

या भरतीसाठी ऑनलाइन अर्ज प्रक्रिया आयोगाच्या अधिकृत वेबसाइट mpsc.gov.in वर सुरू झाली आहे. या पदासाठी  उमेदवाराकडे पशुवैद्यकीय शास्त्राची पदवी असणे आवश्यक आहे. जर तुम्ही या क्षेत्रात पदवीधर असाल तर तुम्ही या संधीचा फायदा घेऊ शकता.

या पदांसाठी  अर्ज करण्यासाठी उमेदवारचे  किमान वय १९ वर्षे आणि कमाल ३८ वर्षे निश्चित करण्यात आले आहे. त्याचबरोबर राखीव प्रवर्गातील उमेदवारांना नियमांनुसार वयात सूट देण्यात आली आहे. एससी आणि एसटी प्रवर्गातील उमेदवारांना ५ वर्षे आणि ओबीसी प्रवर्गातील उमेदवारांना ३ वर्षे सूट मिळेल.  सामान्य श्रेणीतील उमेदवारांना ७१९ रुपये आणि ओबीसी, ईडब्ल्यूएस, अपंग आणि अनाथ उमेदवारांना ४४९ रुपये शुल्क भरावे लागेल.

  निवड प्रक्रिया तीन टप्प्यात घेतली जाईल, प्रथम पूर्व परीक्षा (प्रिलिम्स), नंतर मुख्य परीक्षा (मेन्स) आणि शेवटी मुलाखत. या सर्व टप्प्यांमध्ये यशस्वी झाल्यानंतर उमेदवाराची नियुक्ती केली जाईल.  निवडलेल्या उमेदवारांना दरमहा ६०,००० ते १,९०,८०० रुपये पगार मिळेल. याशिवाय, इतर सरकारी भत्ते देखील उपलब्ध असतील.

अर्ज कसा करावा

* अर्ज करण्यासाठी, उमेदवारांना mpsc.gov.in ला भेट द्यावी लागेल.

* 'ऑनलाइन अर्ज' विभागात जावे लागेल, फॉर्म भरावा लागेल, आवश्यक कागदपत्रे अपलोड करावी लागतील 

* अर्ज शुल्क भरून  फॉर्म सबमिट करावा लागेल. एकदा फॉर्म सबमिट झाला की, त्याची प्रिंटआउट घ्या आणि ती सुरक्षित ठेवा.