RTE प्रवेशाची लॉटरी थोड्याच वेळात; पालकांना येथे LIVE पाहता येणार ऑनलाईन सोडत

एज्युवार्ता न्यूज नेटवर्क 

राज्याच्या शालेय शिक्षण विभागातर्फे शिक्षण हक्क कायद्यांतर्गत (RTE) राबविल्या जाणाऱ्या 25% आरक्षित जागांवरील प्रवेशासाठीची लॉटरी सोमवारी (दि.६ ) सकाळी 11 वाजता पुण्यात महाराष्ट्र राज्य शैक्षणिक संशोधन व प्रशिक्षण परिषदेत काढली जाणार आहे. पालक https://www.youtube.com/live/yGjFTQzGWtM या लिंकवर जाऊन RTE प्रवेशाची लॉटरी प्रक्रिया ऑनलाईन पाहू शकतात.

 राज्यातील 8 हजार 701 शाळांमधील जागांवर आरटीई अंतर्गत प्रवेश जाणार आहेत.आरटीई प्रवेशासाठी 1 लाख 14 हजार 826 जागा उपलब्ध असून राज्यभरातील दोन लाख 89 हजार 346 विद्यार्थ्यांनी आरटी प्रवेशासाठी अर्ज केले आहेत. त्यात पालघर जिल्ह्यात आरटीई प्रवेशासाठी 5,685 जागा उपलब्ध असून केवळ 5 हजार 385 विद्यार्थ्यांनीच आरटीई प्रवेशासाठी अर्ज केले आहेत .त्याचप्रमाणे सिंधुदुर्ग जिल्ह्यात आरटीई प्रवेशासाठी 271 जागा उपलब्ध असून केवळ 167 विद्यार्थ्यांनी प्रवेशासाठी अर्ज केले आहेत. त्यामुळे या जागांसाठी लॉटरी काढली जाणार का ?असा प्रश्न निर्माण झाला आहे.पुणे जिल्ह्यातील 916 शाळांमधील 18 हजार 60 जागांसाठी 54 हजार 684 विद्यार्थ्यांनी अर्ज केले आहेत. दरवर्षीप्रमाणे पुणे जिल्ह्यात आर टी प्रवेशासाठी सर्वाधिक अर्ज प्राप्त झाले आहेत. 

पालकांना शिक्षण विभागाने दिलेल्या  https://www.youtube.com/live/yGjFTQzGWtM या लिंकवर लॉटरी प्रक्रिया ऑनलाईन पद्धतीने पाहता येणार आहे. शिक्षण विभागाकडून प्रवेशाबाबत अधिकृत सूचना देण्यात येणार आहेत. दरवर्षी लॉटरी काढल्यानंतर विद्यार्थ्यांना प्रवेशाबाबतचा एसएमएस प्राप्त होतो. तसेच  आपल्या पाल्याचा प्रवेश झाला आहे किंवा नाही हे आरटीई पोर्टल पोर्टलवर तपासता येते. त्यामुळे शिक्षण विभागाकडून कोणत्या सूचना दिल्या जातात हे पाहणे महत्त्वाचे ठरणार आहे.